కవితాగేయం

వచ్చింది వచ్చింది కవిత!

వచ్చింది వచ్చింది కవిత

బహుబాగ నచ్చింది కవిత

ముందుకూ వచ్చింది కవిత

ముచ్చటా పరచింది కవిత            ||వచ్చి||

కలలోకివచ్చింది, కబుర్లనుచెప్పింది 

కవ్వించిపోయింది, కుతూహలపరచింది 

కోరికలు లేపింది, కోరినవి ఇచ్చింది 

కథనొకటి ఇచ్చింది, కవిత వ్రాయించింది ||వచ్చి||

ప్రేమనూతెలిపింది, పరవశాపరచింది 

పకపకానవ్వింది, పలువరుసచూపింది            

ప్రాయమందునున్నది, పరువాలు చూపింది 

ప్రోత్సాహమిచ్చింది, పాట వ్రాయించింది ||వచ్చి||

ధగధగా మెరిసింది, దద్దరిలిపోయింది 

తియ్యగా పలికింది, తేనెలను చిందింది 

సిగ్గులను చూపింది, సింగారమొలికింది 

సొగసులను చూపింది, చిత్తాన్ని దోచింది ||వచ్చి||

చెంతకు వచ్చింది, చేతులను కలిపింది 

సరసాలు ఆడింది, సంతోష పరచింది 

మానసముతట్టింది, మదిలోననిలిచింది 

ముచ్చటలు చెప్పింది, మురిపాలు చూపింది ||వచ్చి||           

ఊహలను ఇచ్చింది కవిత, ఉత్సాహ పరచింది కవిత

భావాలనిచ్చింది కవిత, బయటపెట్టించింది కవిత

వచ్చింది వచ్చింది కవిత, బహుబాగ నచ్చింది కవిత

ముందుకూ వచ్చింది కవిత, ముచ్చటా పరచింది కవిత  

గుండ్లపల్లి రాజేంద్రప్రసాద్, భాగ్యనగరం