ఎవరివో నీవెవరివో?

సూర్యుని వెలుగువా

చంద్రుని వెన్నెలవా

మబ్బులోని మెరుపువా

తారకల తళుకువా

ఎవరైనా సరే

నీకు దిగదుడిపే

ఏమైనా సరే

నీవు నాధ్యేయానివే 

నీభుజాలపైపడ్డ కేశాలు

నీళ్ళతోనిండిన మేఘాలు

నీకంటి ఓరచూపులు

విసిరిన వలపువలలు 

నీ కళ్ళను చూస్తేనే

నాకు నిషా కలిగే

నీచూపులు మత్తునిచ్చే

నామనసును చిత్తుచేసే

నీ వెలుగులుచిందు మోము

సరసులో విరిసిన  కమలము

నీనోటి ముత్యాల పలుకులు

కమ్మని తేనెల చుక్కలు

నీవు చల్లే ప్రేమజల్లులు

నాపై పడే వానచినుకులు

తడిపేను నా మేనును

తట్టేను నా మనసును

నీవు వసంత వీచికవి

కవుల స్వప్న సుందరివి

నీవు చిందే చిరునవ్వులు

అయ్యేను నీపెదవులపై మెరుపులు

నీవు యవనికవు

అందానికి ప్రతీకవు

దీపాల వెలుగువు

నాహృదికి మోహనరూపువు

నీకోసమే

ఎదురుచూస్తుంటా చెలీ

నీసుఖమే

ఎపుడూకోరుకుంటా సఖీ

గుండ్లపల్లి రాజేంద్రప్రసాద్, భాగ్యనగరం