బెంగళూరు... బహు సుందర నగరం!
బెంగళూరు... బెంగళూరు — బహు సుందర నగరం!
బహు భాషలకు నెలవైన — భాగ్యాల హరివిల్లు నగరం!
ఉద్యానవనాల ఒడిలో — ఉల్లాసాలతో విరాజిల్లే నగరం!
ఉన్నత శిఖరాలనందే — ఉజ్వల విజయాల నగరం!
కర్ణాటక రాజధానిగా — కీర్తిగాంచిన నగరం!
కన్నడ భాషా వైభవంతో — కళకళలాడే నగరం!
తెలుగు, తమిళ, మలయాళ — భాషల మమతల సంగమం!
హిందీ భాషా జనులతో — జాతీయ సమైక్యత చాటే సౌధం!
చల్లని చల్లని వాతావరణం — చక్కని హాయిని పంచు!
పచ్చని పచ్చని పరిసరాలు — పరవశించి పిలుచు!
చెట్ల నీడలు చల్లగాను — చిగురుటాకులు నవ్వగాను!
పూల పరిమళాలు వెదజల్లి — ప్రకృతి స్వాగతమిచ్చు!
సాఫ్ట్‌వేర్ రంగంలో — సాధించిన విజయాలెన్నో!
ప్రపంచ దేశాల దృష్టిని — ఆకర్షించిన ఘనతలెన్నో!
కంప్యూటర్లతో కలల సౌధాలు — నిర్మించే యువతరం!
కృషి, ప్రతిభల రెక్కలతో — ఎదిగే భారత భవితవ్యం!
విద్యాలయాలు వెలసినాయి — విజ్ఞాన దీపాలు వెలిగినాయి!
విద్యార్థుల కలలు చిగురించి — విజయపథాలు తెరచినాయి!
దేశం నలుమూలల నుంచి — చదువుల కోసం చేరుతారు!
జ్ఞాన సంపదను పెంచుకుంటూ — జగతిలో పేరు తెచ్చినారు!
ఆంధ్ర దేశం నుంచీ జనులు — ఆప్యాయంగా చేరుతారు!
ఉత్తర భారత ప్రజలు సైతం — ఉత్సాహంగా కొలువుదీరుతారు!
కులమతాలకు అతీతంగా — కలిసిమెలిసి జీవిస్తారు!
భిన్నత్వంలో ఏకత్వాన్ని — భాసిల్లేలా చాటుతారు!
రైలు బండ్లు పరుగులెత్తి — రాకపోకలు సాగించు!
బస్సుల రాకపోకలతో — బాటలన్నీ కళకళలాడు!
ఎందరో యాత్రికుల రాకతో — ఎడతెగని సందడి!
ఎన్నో గమ్యాల దారిలో — జీవితమే ఒక బండి!
లాల్‌బాగ్ పూల వనంలో — లాలిత్యాల విందులెన్నో!
కబ్బన్ పార్కు పచ్చదనంలో — కమ్మని కబురులెన్నో!
వృక్షాల నీడన విశ్రాంతి — విరిసే హృదయాల హాయి!
విహరించే ప్రకృతి ఒడిలో — వెలసే ఆనంద రాగం!
చెట్లన్నీ చేతులెత్తి — చల్లని నీడను పంచగా!
పూలన్నీ నవ్వులొలికి — పరిమళాలను చల్లగా!
చెరువుల అలలు సవ్వడితో — చెలిమి గీతాలు పాడగా!
బెంగళూరు అందాలన్నీ — బంగారు జ్ఞాపకాలవగా!
బెంగళూరు... బెంగళూరు — మనసు దోచే నగరం!
మమతల మల్లెలు పూసే — మనోహరమైన నగరం!
బెంగళూరు... బెంగళూరు — మనసు దోచే నగరం!
మమతల మల్లెలు పూసే — మనోహరమైన నగరం!
బెంగళూరు... బెంగళూరు — బహు సుందర నగరం!
భాషలు వేరైనా మనసులన్నీ — కలిపే ప్రేమమందిరం!
పచ్చదనం, ప్రగతి కలిసిన — ప్రగతిశీల నగరం!
భారతదేశపు మకుటంలో — మణిరత్నమై వెలిగే నగరం!
గుండ్లపల్లి రాజేంద్రప్రసాద్, భాగ్యనగరం.
Comments
Post a Comment