వందనాలు వందనాలు!

వందనాలు వందనాలు — తెలుగు ప్రేమికులకు వందనాలు!

వందనాలు వందనాలు — కవితా ప్రియులకు వందనాలు!

అక్షరాభిమానులకు — ఆత్మీయ బంధాలకు వందనాలు!

అమృతధారల సాహిత్యాన్ని — ఆస్వాదించే వారందరికీ వందనాలు!

కవులకు వందనాలు — కవయిత్రులకు వందనాలు!

కమ్మని కవితలు అల్లే కలాలన్నిటికీ వందనాలు!

భావాలను పలికించే భాషాభిమానులకు వందనాలు!

భావుకతను పంచే హృదయాలన్నిటికీ వందనాలు!

పత్రికలకు వందనాలు — పాత్రికేయులకు వందనాలు!

ప్రజల గొంతుక వినిపించే కలాలకు వందనాలు!

పాఠకులకు వందనాలు — ప్రశంసకులకు వందనాలు!

పదిమందికి ప్రేరణనిచ్చే ప్రతిభావంతులకు వందనాలు!

సద్విమర్శకులకు వందనాలు — సన్మార్గం చూపేవారికి వందనాలు!

లోపాలను సరిదిద్ది ఎదుగుదలకు తోడ్పడే వారికి వందనాలు!

స్నేహితులకు వందనాలు — సలహాదారులకు వందనాలు!

కష్టకాలంలో చేయూతనిచ్చే కరుణామయులకు వందనాలు!

సాహితీ సంస్థలకు వందనాలు — సభా నిర్వాహకులకు వందనాలు!

సాహితీ సుమనాలను ఒక్కచోట చేర్చే సారథులకు వందనాలు!

వేదికలను అందించే పెద్దలకు — అవకాశాలను కల్పించేవారికి వందనాలు,

కొత్త కవులకు ప్రోత్సాహమిచ్చే సహృదయులందరికీ వందనాలు!

శాలువాలు కప్పేవారికి వందనాలు — సత్కారాలు చేసేవారికి వందనాలు!

ప్రతిభను గుర్తించి గౌరవించే పెద్ద మనసులకు వందనాలు!

బిరుదులు అందించేవారికి — బహుమతులు పంచేవారికి,

కవుల కృషిని కొనియాడే కళాభిమానులందరికీ వందనాలు!

ప్రచురణకర్తలకు వందనాలు — పుస్తకాలు అచ్చువేసేవారికి వందనాలు!

పుస్తకాలను కొనేవారికి — ప్రేమతో చదివేవారికి వందనాలు!

అక్షర సంపదను భావితరాలకు అందించే మహనీయులకు,

తెలుగు భాషా వైభవాన్ని నిలిపే తరతరాల వారధులకు వందనాలు!

తెలుగు భాషకు వందనాలు — తీయని తెలుగు పలుకులకు వందనాలు!

తేనెలొలికే పద్యాలకు — హృదయాలను తాకే గేయాలకు వందనాలు!

జానపదాలకు వందనాలు — జ్ఞానప్రద కావ్యాలకు వందనాలు!

జాతి సంస్కృతి సౌరభాన్ని చాటే సాహిత్యానికి వందనాలు!

వందనాలు వందనాలు — తెలుగు వెలుగులకు వందనాలు!

వందనాలు వందనాలు — సాహితీ సౌరభాలకు వందనాలు!

కలిమినిచ్చే కలాలకు — బలమినిచ్చే కళలకు వందనాలు!

తెలుగు జాతి కీర్తి చాటే — సాహితీ వేత్తలందరికీ వందనాలు!

వందనాలు వందనాలు — అందరికీ వందనాలు!

అక్షరం ఉన్నంతకాలం — ఆత్మీయ వందనాలు!

తెలుగు భాష బతికినంతకాలం — తీయని వందనాలు!

సాహిత్యం శ్వాసించినంతకాలం — సదా సదా వందనాలు!

గుండ్లపల్లి రాజేంద్రప్రసాద్, భాగ్యనగరం.