కలలు

కల కందాం — 

కొత్త లోకాన్ని సృష్టిద్దాం!

కల సాధిద్దాం — 

విజయశిఖరాలను అధిరోహిద్దాం!

కల తలుచుకుందాం — 

నిదురించే ప్రతిభను మేల్కొలుపుదాం!

కల నిలబెడదాం — 

నవతరాలకు నూతన బాటలు వేద్దాం!

కలలకు రెక్కలు తొడిగితే —

ఆకాశమే మనకు హద్దు!

కలలకు పట్టుదల జతచేస్తే —

అసాధ్యమే సుసాధ్యం!

కలల సాగరంలో

ఆశల నావను నడుపుదాం!

అడ్డంకుల అలలను

ఆత్మవిశ్వాసంతో ఎదుర్కొందాం!

కలలు చిన్నవైనా —

వాటి ప్రభావం మహోన్నతం!

ఆశయాలు వ్యక్తిగతమైనా —

వాటి వెలుగులు విశ్వవ్యాప్తం!

కలలు 

మనిషి ఎదుగుదలకు తొలి మెట్టు!

కలల సాకారమే 

మానవ జీవితానికి మధురబాట!

కలలు కందాం — 

కదలి సాగుదాం!

కృషిని కొనసాగిద్దాం—

కలల్ని నిజం చేద్దాం!

మంచి కలలు కనుదాం — 

కర్తవ్యాన్ని నిర్వర్తిద్దాం!

కల సాధిద్దాం — 

చరిత్రలో నిలిచిపోదాం!

కలలే మన గమ్యానికి దిక్సూచులు —

కృషియే మన విజయానికి సోపానాలు!

ఆశయాలే మన జీవనానికి ఆభరణాలు —

సాధనలే మన అస్తిత్వానికి చిరునామాలు!

కలలు కనడం ఆరంభం —

వాటిని సాకారం చేయడం పరమార్థం!

కలలతో జీవితానికి అందం —

కలల సాఫల్యంతో జన్మ ధన్యం!

గుండ్లపల్లి రాజేంద్రప్రసాద్, భాగ్యనగరం.