నిద్ర సూత్రాలు

నిద్ర దేహానికి విశ్రాంతి —

మనసుకు ప్రశాంతి!

నిద్ర దైవప్రసాదం —

అమూల్యమైన వరం!

అలసిన తనువుకు నిద్ర ఉపశమనం —

ఆలోచనలకు విరామం!

ఆరోగ్యానికి ఆధారం —

ఆయుష్షుకు ఆలంబనం!

అతిగా పగటి నిద్ర పనికి చేటు —

బద్ధకాన్ని అందరికి చాటు!

రాత్రి నిద్ర వంటికి మేలు —

ఆరోగ్యానికి శుభదాయకమగు!

సమయపాలనతో నిదురిస్తే —

సుఖసంతోషాలు కలుగు!

క్రమబద్ధమైన జీవనానికి —

నిదురే తొలి మెట్టగు!

సమయపాలనతో నిదురిస్తే —

సుఖసంతోషాలు తోడుండు!

క్రమబద్ధమైన జీవనానికి —

నిదురే తొలి మెట్టు!

అతినిద్ర అనర్థదాయకం —

చురుకుదనానికి ఆటంకం!

అలసత్వానికి ఆలవాలం —

అభివృద్ధికి అవరోధం!

నిద్రలేమి అనారోగ్య సూచకం —

ఆందోళనలకు ఆహ్వానం!

కలత నిదుర మనశ్శాంతికి భంగం —

తనువుకు కలిగించును అలసటాభారం!

సుఖనిదుర కరువైతే —

సంతోషాలకు దూరం!

కారణాలు తెలుసుకొని సరిచేసుకుంటే —

ఆరోగ్యమే మన సొంతం!

కంటినిండా నిదుర ఉంటే —

ఒంటినిండా ఉత్సాహం!

కమ్మని నిదుర తోడుంటే —

కొత్తరోజుకు నూతనోత్సాహం!

నిదురలోనూ క్రమశిక్షణ —

నిత్యజీవితానికి రక్షణ!

నిద్రసూత్రాలు పాటిద్దాం —

ఆరోగ్యాన్ని కాపాడుకుందాం!

నిద్రే జీవనానికి నూతన చైతన్యం!

నిద్రే ఆరోగ్యానికి ఆనంద సౌభాగ్యం!

అతిగా వద్దు — మరీ తక్కువా వద్దు!

అవసరమైన నిదురతో — ఆయురారోగ్యాలు పొందుదాం!

గుండ్లపల్లి రాజేంద్రప్రసాద్, భాగ్యనగరం.