పారని కవితలు ఎండలు మండుతున్నాయి గాలులు వేడిగావీస్తున్నాయి కవితలకు కరువొచ్చింది అక్షరాలకు మరుగొచ్చింది రవి నిప్పులుక్రక్కుతున్నాడు కవి విశ్రాంతితీసుకుంటున్నాదు తనువులు చెమటలుక్రక్కుతున్నాయి ఆలొచనలు మదులనుతట్టకున్నాయి కాలం సహకరించుటలేదు కవిత్వం జనించటంలేదు నదులు ఇంకిపోయాయి నీరు దొరకకున్నది మబ్బులు తేలటంలేదు ఆకాశము మురిపించటంలేదు కైతలకు లోటొచ్చింది పుటలు నిండకున్నవి తొలకరికి ఎదురుచూస్తున్నారు కవితావిత్తనాలు కాచుకొనియున్నాయి సాహితీవనం పెరగాలనికాంక్షిస్తున్నది సరస్వతీసంతానం సమయంకోసంవీక్షిస్తున్నది గుండ్లపల్లి రాజేంద్రప్రసాద్, భాగ్యనగరం
Posts
మేడే గీతం వేతనాలకై వెతలుపడే ఉద్యోగుల్లారా వందనం పంటలకై పాటుపడే కర్షకులారా వందనం బ్రతకటానికై బాధలుపడే కార్మికులారా వందనం తిండికై తిప్పలుపడే దినకూలీల్లారా వందనం ||వేత|| పెట్టుబడిదారులను కలసికట్టుగా ఎదిరిద్దాం గుత్తసంస్థలను సంఘటితంగా ప్రతిఘటిద్దాం మధ్యదళారులను మూకుమ్మడిగా మరుగునపెడదాం స్వార్ధపరులను సమయోచితంగా అణచివేద్దాం ||వేత|| శ్రమశక్తివిలువను సకలలోకానికి చాటుదాం చెమటచుక్కలను సమాజబాగుకి ధారపోద్దాం దేశాభివృద్ధికొరకు చేతులుకలిపి ముందుకునడుద్దాం మే ఒకటవతారీఖును ఘనంగా కార్మిదినోత్సవంజరుపుకుందాం ||వేత|| గుండ్లపల్లి రాజేంద్రప్రసాద్, భాగ్యనగరం
కవితాత్మకం అడుగులేస్తేకదా ముందుకు కదిలేది పయనం సాగేది పెదవివిప్పితేకదా మాటలు బయటకొచ్చేది మనసును తెలియపరచేది వెదికితేకదా అక్షరాలు దొరికేది అల్లిక అర్ధవంతమయ్యేది పాటుబడితే పదాలు పొసిగేది ప్రాసలు కుదిరేది ఆలోచిస్తేకదా విషయము తట్టేది భావం బయటకొచ్చేది కలంపడితేకదా కాగితాలు నిండేది కవిత్వం పుట్టేది చదివితేకా కవితలు అర్ధమయ్యేది కమ్మదనం పొందగలిగేది వింటేకదా శ్రావ్యత తెలిసేది గానామృతం క్రోలేది ఆస్వాదిస్తేకదా అనుభూతి కలిగేది ఆనందం దొరికేది బాగుంటేకదా కవితకు పేరొచ్చేది కవి చరిత్రపుటలకెక్కేది గుండ్లపల్లి రాజేంద్రప్రసాద్, భాగ్యనగరం
కవితలు రాస్తే రమ్యంగా ఉండాలి పాడితే శ్రావ్యంగా ఉండాలి చదివితే చక్కగా ఉండాలి వింటే విలక్షణంగా ఉండాలి అమరిస్తే అద్భుతంగా ఉండాలి అల్లితే హారంలాగా ఉండాలి వెల్లడిస్తే విన్నూతనంగా ఉండాలి వ్యక్తీకరిస్తే విభిన్నంగా ఉండాలి కూర్చితే కమ్మగా ఉండాలి పేర్చితే తియ్యగా ఉండాలి మదులను ముట్టేలా ఉండాలి హృదులను తట్టేలా ఉండాలి దోషాలు దొర్లకుండా ఉండాలి లోపాలు లేకుండా ఉండాలి కవితను కీర్తించేలా ఉండాలి కవిని గుర్తించేలా ఉండాలి గుండ్లపల్లి రాజేంద్రప్రసాద్, భాగ్యనగరం
ఓ కవిగారి అంతరంగం కలలను కాగితాలకెక్కిస్తే కల్లబొల్లిమాటలొద్దంటున్నారు ఆలోచనలకు అక్షరరూపమిస్తే అసత్యాలుచెప్పొద్దంటున్నారు అనుభూతులను అందంగాకూర్చితే అర్ధంపర్ధంలేదంటున్నారు చక్కదనాలను సవివరంగావర్ణిస్తే స్వీకరించలేమంటున్నారు ఆనందాలను అందిస్తుంటే ఆస్వాదించలేమంటున్నారు కలమును కరానపడితే కదిలించొద్దంటున్నారు భావాలను బయటపెడితే బడాయిలంటున్నారు విషయాలను విశదీకరిస్తే వద్దుసొల్లుకబుర్లంటున్నారు సరస్వతిని ఎలా కొలవను? సాహిత్యాన్ని ఎలా వెల్లడించను? కవితలు ఎలా వ్రాయను? కంఠమును ఎలా విప్పను? గుండ్లపల్లి రాజేంద్రప్రసాద్, భాగ్యనగరం
అక్షరాలు అక్షరాలు ఆడించమంటున్నాయి అల్లమంటున్నాయి అలరించమంటున్నాయి అక్షరాలు కూర్చమంటున్నాయి కుందనపుబొమ్మనుచేయమంటున్నాయి కుతూహలపరచమంటున్నాయి అక్షరాలు వెలిగించమంటున్నాయి వేడుకచేయమంటున్నాయి వినోదపరచమంటున్నాయి అక్షరాలు ఆడమంటున్నాయి పాడమంటున్నాయి చూడమంటున్నాయి అక్షరాలు అందుకోమంటున్నాయి విసురుకోమంటున్నాయి ఏరుకోమంటున్నాయి అక్షరాలు తేనెనుపూయమంటున్నాయి తీపినిపంచమంటున్నాయి తృప్తినికలిగించమంటున్నాయి అక్షరాలు చినుకుల్లాకురిపించమంటున్నాయి వాగుల్లాపారించమంటున్నాయి కెరటాల్లాఎగిసిపడేలాచేయమంటున్నాయి అక్షరాలు పూలగామార్చమంటున్నాయి పరిమళాలుచల్లమంటున్నాయి పరవశపరచమంటున్నాయి అక్షరాలు పట్టుకోమంటున్నాయి ముట్టుకోమంటున్నాయి మూటకట్టుకోమంటున్నాయి అక్షరాలు అందాలుచూపుతామంటున్నాయి ఆనందాలుకలిగిస్తామంటున్నాయి అంతరంగాలనుదోస్తామంటున్నాయి అక్షరాలను ఆహ్వానిస్తా ఆమోదిస్తా ఆహ్లాదపరుస్తా అక్షరాలను ప్రసన్నంచేసుకుంటా పుటలకెక్కిస్తా పాఠకులకుచేరుస్తా గుండ్లపల్లి రాజేంద్రప్రసాద్, భాగ్యనగరం
ఆకాశదేశానా ఆడుతుంటా పాడుతుంటా.. అందకుండా ఎత్తులోనుంటా ఆగకుండా పయనిస్తుంటా పెక్కురూపాలు ధరిస్తుంటా పలురంగులు చూపిస్తుంటా పొగలా తెల్లగుంటా నింగిలా నీలంగుంటా రాయిలా గట్టిగుంటా పరుపులా మెత్తగుంటా ఢీకొడతా ఉరుముతుంటా రాసుకుంటా మెరుస్తుంటా దూదిలా తేలుతుంటా గుంపులో తిరుగుతుంటా కరిగితే టపటపారాలుతా చినుకునైతే చిటపటాకురుస్తా మేఘమాలనై దర్శనమిస్తా రవిచంద్రులనూ కప్పేస్తుంటా పుడమిని తడుపుతుంటా పంటల్ని పండిస్తుంటా నదులు పారిస్తుంటా దప్పికలు తీరుస్తుంటా అందాలను చూపుతుంటా అంతరంగాలను తడుతుంటా రైతులను మురిపిస్తుంటా పిల్లలను ఆడిస్తుంటా గుండ్లపల్లి రాజేంద్రపసాద్, భాగ్యనగరం
కవనప్రియులారా! క్షణాలను వెచ్చిస్తా నిమిషాలను వాడేస్తా గంటలు గడిపేస్తా దినాలు దొర్లిస్తా నెలలు నెట్టేస్తా కాలచక్రం తిప్పేస్తా కైతలు కూర్చేస్తా ఊహలు ఊరిస్తా తలను నింపేస్తా ఆలోచనలు పారిస్తా విషయాలు తేలుస్తా భావాలు లేపుతా భ్రమలలో ముంచుతా కవితలను రాసేస్తా అక్షరాలను విసురుతా గాలిలో చల్లుతా మట్టిపై పరుస్తా పుట్టలు పుట్టలుగా తుట్టెలు తుట్టెలుగా గుట్టలు గుట్టలుగా కవనాలు అల్లేస్తా పువ్వులు తెస్తా తలలపై చల్లుతా అంజలులు ఘటిస్తా దండలు గుచ్చుతా మెడలలో వేస్తా పరవశం కలిగిస్తా కయితలు పారిస్తా తేనెచుక్కలు చల్లుతా తీయదనం పంచుతా పరిమళాలు వెదజల్లుతా అందాలు చూపుతా ఆనందాలు చేకూరుస్తా ఆకాశంలో విహరింపజేస్తా కవిత్వాలను సృష్టిస్తా కవితలను చూడండి చదవండి పాడండి వినండి ఆస్వాదించండి గుర్తుంచుకోండి గుండ్లపల్లి రాజేంద్రప్రసాద్, భాగ్యనగరం
ఎవరైనా కోరితే..... ఎవరైనా కోరితే చెవినిస్తా చెప్పినవిషయాలు వింటా ఎవరైనా అడిగితే నోరుతెరుస్తా తేనెపలుకులు చిందుతా ఎవరైనా వేడుకుంటే గళంవిప్పుతా కోకిలకంఠం వినిపిస్తా ఎవరైనా ఆశిస్తే ఉన్నదందిస్తా దాపరికాలు చెయ్యకుంటా ఎవరైనా అభ్యర్ధిస్తే అభినందిస్తా పొగడ్తలు కుమ్మరిస్తా ఎవరైనా వాంఛిస్తే సలహాలిస్తా దీవెనలు అందిస్తా ఎవరైనా కాంక్షిస్తే అక్షరాలువిసురుతా అనుభూతులను తెలుపుతా ఎవరైనా అర్ధిస్తే పదాలుప్రేలుస్తా పసందును కలిగిస్తా ఎవరైనా కావాలంటే అందాలుచూపుతా అంతరంగాలను ఆనందపరుస్తా ఎవరైనా ఇవ్వమంటే కవితలందిస్తా కమ్మదనాలు పంచిపెడతా గుండ్లపల్లి రాజేంద్రప్రసాద్, భాగ్యనగరం
ఓ కవితా! (కవనగాలులు) సుగంధమువై ప్రసరించవే పరవశపరచవే మలయమారుతమువై మదులనుముట్టవే మోహములోదించవే మల్లెలసువాసనవై మత్తునుచల్లవే మదినిమురిపించవే హిమతుషారమువై శీతలవాతావరణమునివ్వవే సంతసాలనందించవే సుడిగాలివై దుమ్ములేపవే జోరుగాసాగవే తేమగాలినై తనువులపరవశపరచవే తృప్తినికలిగించవే ప్రభంజనమువై ప్రజలనుమేలుకొలుపవే సాహితీప్రియులనుసంతసపరచవే అనుకూలపవనమువై ఆశలుతీర్చవే అమృతచుక్కలుచల్లవే పిల్లతెమ్మెరవై ప్రేమలోనికిదించవే అనురాగజల్లులుకురిపించవే వడగాడుపువై చెమటనుకార్పించవే శరీరమునుశుద్ధపరచవే చిరుగాలివై ఎదగిల్లిచెప్పవే తీపికబుర్లనందించవే కవితాగాలులకు స్వాగతం కవితలకు ఆహ్వానం కవులకు ఆమంత్రణం గుండ్లపల్లి రాజేంద్రప్రసాద్, భాగ్యనగరం
ఓ కవిరాజా! మంచి కవిత ఒకటి వ్రాస్తావా మదినిదోస్తావా మురిపిస్తావా తీయని కవిత ఒకటి అందిస్తావా తేనెచుక్కలు చిందుతావా నోటిలో నానుతావా కమ్మని కవిత ఒకటి వినిపిస్తావా కోకిలను తలపిస్తావా రాగాలు తీయిస్తావా అద్భుత కవిత ఒకటి అల్లుతావా అందాలు చూపుతావా ఆనందము కలిగిస్తావా చక్కని కవిత ఒకటి పంపుతావా పదేపదే చదివిస్తావా పేరుప్రఖ్యాతులు పొందుతావా ప్రేమ కవిత ఒకటి పాడతావా ప్రణయసాగరంలో ముంచుతావా అంతరంగంలో కొలువుదీరతావా పసందైన కవిత ఒకటి పఠింపజేస్తావా నవరసాలను త్రాగిస్తావా పంచేంద్రియాలను తడతావా కొత్త కవిత ఒకటి కూరుస్తావా నవతను చాటితావా భవితకు దారిచూపుతావా సందేశాత్మక కవిత ఒకటి వెలువరిస్తావా సమాజాన్ని మేల్కొలుపుతావా సాహిత్యాన్ని సుసంపన్నంచేస్తావా విన్నూతన కవిత ఒకటి విరచిస్తావా సుశబ్దాలు పలికిస్తావా సంప్రీతిని చేకూరుస్తావా గుండ్లపల్లి రాజేంద్రప్రసాద్, భాగ్యనగరం
ఆద్యంతం ఆసక్తికరంగా సాగిన కాలిఫోర్నియా వీక్షణం గవాక్షం 152వ అంతర్జాల సాహితీ సమావేశం ************************************************** 19-04.2025వ తేదీన వీక్షణం సమావేశం 3 గంటలపాటు అత్యంత ఆసక్తికరంగా సాగింది. అతిధులకు, కవిమిత్రులకు సమూహ అధ్యక్షురాలు డా. కె.గీతా మాధవి గారు, సాహితీ ప్రేమికుడు శ్రీ మృత్యుంజయుడు తాటిపాముల గారు మరియు సమూహ భారతదేశ ప్రతినిధి శ్రీ గుండ్లపల్లి రాజేంద్రప్రసాద్ గారు తొలుత స్వాగతం పలికారు కొన్ని ఆరోగ్యకరమైన,సుందరమైన,ఎంత కఠినమో అంత మృదువైన పదాలున్నాయి. అవి సాహిత్యము, గానము,నటన, తపస్సు, సేవ, పట్టుదల- ఈ పదాలను కల్వములో వేసి నూరితే వచ్చిన ఫలితపదం డా.కళా గీతామాదవి గారు. కాకపోతే 152 నెలలుగా, ని రంతరాయంగా కవిసమ్మేళనాలను ప్రతి నెల నిర్వహిస్తున్న వారు ప్రపంచంలోనే లేరు. ఆ అసాధ్యాన్ని సుసాధ్యం చేసిన వారు గీత గారికి ప్రపంచములోని తెలుగు కవులందరూ వారికి రుణపడి వుంటారు. అందునా ప్రతిసారీ ఒక ముఖ్య వ్యక్తిని సభకు పరిచయం చేసి వారి ద్వారా ఎన్నో సాహితీప్రక్రియా విశేషాలను తెలియజేయడం ఒక ప్రత్యేకత. ఈరోజు ముఖ్య అతిథిగా విశ్వపుత్రిక డా.విజయలక్ష్మీ పండిట్ గారిని సభకు పరిచయం ...
ఓ కవీశ్వరా! వాక్బాణాలు వదలటం దేనికి? వీనులకు విందునివ్వటం దేనికి? మన్మధబాణాలు వేయటం దేనికి? మోహితులను చేయటం దేనికి? అక్షరతూణీరాలు సంధించటం దేనికి? పంచేంద్రియాలను పరవశపరచటం దేనికి? పదాలశరాలు విడువటం దేనికి? ప్రాసలప్రయోగాలు పాటించటం దేనికి? చూపులవిల్లంబులు వదులటం దేనికి? అందాల దృశ్యాలను వీక్షింపజేయటం దేనికి? ఆలోచనాస్త్రాలను ప్రయోగించటం దేనికి? అంతరంగాలను తట్టిలేపటం దేనికి? అస్త్రశస్త్రాలను ఎక్కుపెట్టటం దేనికి? అద్భుతకైతలను అందించటం దేనికి? వాడియైనశరాలు వదలటం దేనికి? చదువరులను సన్మోహితులనుచేయటం దేనికి? నీ సృష్టికి కష్టానికి వందనాలు కవీంద్రా! నీ ప్రక్రియలకి ప్రయోగాలకి పాటవానికి ప్రణామాలు కవీశ్వరా! గుండ్లపల్లి రాజేంద్రప్రసాద్, భాగ్యనగరం
ఆర్చుతావా! తీర్చుతావా! నీ అందెలరవళులు వినాలని ఉన్నది అంతరంగంలోని అలజడులు ఆర్చుకోవాలని ఉన్నది నీ గాజులగలగలలు వినాలని ఉన్నది గుండెలోని గుబులును తీర్చుకోవాలని ఉన్నది నీ పకపకనవ్వులు వినాలని ఉన్నది పరిహాసాలలోకి దిగి పరవశించాలని ఉన్నది నీ సరిగమపదనిసలు వినాలని ఉన్నది సవరించి గొంతుకను కలపాలనిఉన్నది నీ పాదాలచప్పుళ్ళు వినాలని ఉన్నది పురివిప్పిన నెమలితో పోల్చుకోవాలని ఉన్నది నీ తీయనిపలుకులు వినాలని ఉన్నది సరస సల్లాపాలలో దిగాలని ఉన్నది నీ అందచందాలను చూడాలని ఉన్నది నీ పేమాభిమానములు పొందాలని ఉన్నది నీవు రగిల్చిన అగ్నిని ఆర్చుకోవాలని ఉన్నది నీవు లేపిన కోర్కెలు తీర్చుకోవాలని ఉన్నది ఓ ప్రియా! చెంతకువస్తావా చేతులుకలుపుతావా చింతనుతొలగిస్తావా ఓ చెలీ! ఆర్చుతావా తీర్చుతావా కూర్చుతావా గుండ్లపల్లి రాజేంద్రప్రసాద్,భాగ్యనగరం
ఏమిటీసమాజం? పచ్చగా ఉంటే ఓర్వలేక ప్రక్కవారు పైనచిమ్ముతున్నారు నిప్పులు ఎదుగుతుంటే భరించలేక తోటివారు వేస్తున్నారు నిందలు సుఖపడుతుంటే చూడలేక పొరుగువారు వెళ్ళక్రక్కుతున్నారు అసూయను పేరొస్తుంటే తట్టుకోలేక ప్రబుద్ధులు చల్లుతున్నారు బురదను అందంగా ఉంటే ఓర్చుకోలేక ఎదుటివారు పెడుతున్నారు శాపనార్ధాలు చక్కని ఇల్లుకడుతుంటే సహించలేక బంధువులు ప్రదర్శిస్తున్నారు ఈర్ష్యను మంచిచేస్తుంటే గిట్టక ప్రత్యర్ధులు అంటకడుతున్నారు స్వార్ధము హితాలు చెబుతుంటే ఊరుకోక నచ్చనివారు మూయిస్తున్నారు వినేవారిచెవులు సమాజమా ఎటుపోతున్నావు? సంఘమా ఏమిచేస్తున్నావు? లోకమా ఏది న్యాయం? జగమా ఏమిటి పరిష్కారం? గుండ్లపల్లి రాజేంద్రప్రసాద్, భాగ్యనగరం
కుమారా! ముందుకు సాగు వెనక్కు మళ్ళకు ప్రక్కకు వెళ్ళకు ఎగాదిగా చూడకు ఉరుములకు దడువకు పిడుగులకు బెదరకు హెచ్చరికలు లెక్కచేయకు మందలింపులకు భీతిల్లకు గమ్యం వీడకు యత్నం ఆపకు పయనం మానకు ఆశయం సాధించు మాటలు ముత్యాలు చక్కగా ప్రయోగించు తియ్యగా నుడువు తెలివిగా ప్రవర్తించు నవ్వులు చిందు పువ్వులు చల్లు మోములు వెలిగించు మదులు మురిపించు ప్రేమను పంచు పరిమళాలు వెదజల్లు వెలుగులు చిమ్ము ఆనందాలు అందించు గోతులు తీయకు క్రిందకు తోయకు క్రోధము చూపకు పంతాలు పట్టకు చక్కగా ఆలోచించు మంచిని తలపెట్టు సమాజశ్రేయస్సుకు పాటుపడు సంఘానికి తోడ్పాటందించు అన్యాయాలను ఎదురించు అక్రమాలను ఖండించు అవినీతిని అంతరించు అబద్ధాలకోరులను దూరంపెట్టు గెలుపుకు పొంగిపోకు ఓటమికి కృంగిపోకు గర్విష్టివి కాకు సహనము వహించు గుండ్లపల్లి రాజేంద్రప్రసాద్, భాగ్యనగరం
నాకోవిషయం కావాలి నాకోవిషయం కావాలి నిజమై ఉండాలి నమ్మేలా ఉండాలి నిత్యమైనిలిచేలా ఉండాలి నూతనంగా ఉండాలి నచ్చేలా ఉండాలి నలుగురూమెచ్చేలా ఉండాలి నోర్లల్లోనానేలా ఉండాలి చెవ్వుల్లోమారుమ్రోగేలా ఉండాలి నిరంతరంగుర్తుండేలా ఉండాలి రుచిగా ఉండాలి శుచిగా ఉండాలి పసిగా ఉండాలి సాటిలేనిదిగా ఉండాలి మేటియైనదిగా ఉండాలి మదులమీటేలా ఉండాలి ముచ్చట్లుచెప్పుకొనేలా ఉండాలి చప్పట్లుకొట్టించేలా ఉండాలి బొబ్బట్లువడ్డేంచేలా ఉండాలి తేనెచుక్కలు చల్లేలాగుండాలి తియ్యదనం ఇచ్చేలాగుండాలి తృష్ణను తీర్చేలాగుండాలి నిరంతరం తలచేలాగుండాలి నరాల్లో ప్రవహించేలాగుండాలి గుండెల్లో కొట్టుకొనేలాగుండాలి అందంగా ఉండాలి ఆనందమిచ్చేలా ఉండాలి అంతరంగాల్లో వసించేలాగుండాలి నవ్యతను చాటేలాగుండాలి శ్రావ్యతను ఇచ్చేలాగుండాలి రమ్యతను కూర్చేలాగుండాలి నేను విషయలోలుడిని విషయాన్వేషిని విషయవిశదీకరుడిని విషయతపస్విని విషయమాంత్రికుడిని విషయప్రేమికుడిని గుండ్లపల్లి రాజేంద్రప్రసాద్,భాగ్యనగరం
కవిత్వాన్ని నేను కవ్వింపును కల్పనను కాంతిపుంజమును కవిత్వమును నేను అక్షరాలల్లికను పదాలపొసగును అర్ధవ్యక్తీకరణను కవనమును నేను ఆలోచనలను భావాలను విషయాలను కవితమును నేను పద్యమును పాటను వచనకైతను వివిధసాహిత్యరూపాలను నేను అందమును ఆనందమును ఊహలడోలికను కయితమును నేను పల్లవిని చరణాలని గళాన్ని గీతికను నేను చందస్సును గణములను గురులఘువులను పద్యమును నేను భావుకతను ప్రబోధమును ప్రణయమును వచనకయితను నేను హృదిపొంగును గుండెగుబులును మదిముచ్చటను అక్షరకూర్పును నేను కోకిలకంఠమును పువ్వులపొంకమును పరిమళగంధమును సాహిత్యమును నేను ఆస్వాదిస్తారా అనుభవిస్తారా అర్ధంచేసుకుంటారా సాహితీప్రియులవుతారా చెంతకురమ్మంటారా సొబగులుచూపమంటారా చిరునవ్వులుచిందించమంటారా చిత్తాలనుదోచుకోమంటారా గుండ్లపల్లి రాజేంద్రప్రసాద్, భాగ్యనగరం
కవితాకోణాలు సాహిత్యం పాలసముద్రం మొదలెట్టిస్తుంది మధించటం సాగించమంటుంది వెన్నతియ్యటం కవిత్వం కల్పవృక్షం ఇస్తుంది పువ్వులు ఫలాలు నింపుతుంది కడుపులు మదులు కవనం కామధేనువు త్రాగిస్తుంది అమృతం చేరుస్తుంది ఆనందం కవితలు దీపాలవరుసలు చిమ్ముతాయి వెలుగులు తొలగిస్తాయి అఙ్ఞానాంధకారాలు కైతలు ప్రకృతికిప్రతిరూపాలు చూపిస్తాయి చక్కదనాలు కలిగిస్తాయి సంతసాలు కవనాలు మధురగీతాలు విప్పిస్తాయి కోకిలకంఠాలు వినిపిస్తాయి గాంధర్వగానాలు కయితలు వానజల్లులు కురిపిస్తాయి అక్షరచినుకులు పారిస్తాయి పదాలసెలయేర్లు కవులకూర్పులు వైవిద్యభరితాలు విన్నూతనావిష్కరణలు విచిత్రవ్యక్తీకరణలు కైతగాళ్ళు నియంతలు తోచింది పుటలపైపెడతారు రాసింది చదవమంటారు కవివర్యులు అపరబ్రహ్మలు సృష్టిస్తారు కయితలు సుసంపన్నంచేస్తారు సాహితీలోకము గుండ్లపల్లి రాజేంద్రప్రసాద్, భాగ్యనగరం
మాటలమర్మాలు నోటికొచ్చింది చెబితే వదరు తలకుతోచింది చెబితే దూకుడు చూచింది చెబితే సహజము కల్పించింది చెబితే భావుకత్వము నచ్చింది చెబితే ఇష్టము కోరింది చెబితే ఆశువు సూటిగా చెబితే సరళము పరోక్షంగా చెబితే పరుషము మంచి చెబితే హితము విశ్లేషించి చెబితే వర్ణనము నవ్వించేలా చెబితే హాస్యము ఏడ్పించేలా చెబితే విషాదము గళమెత్తి చెబితే గేయము గాండ్రించి చెబితే హేయము ఓర్పుతో చెబితే సమగ్రము నేర్పుతో చెబితే శ్రేష్ఠము ప్రాసలతో చెబితే లాలిత్యము పొంతనలతో చెబితే రమణీయము మదితట్టేలా చెబితే మనోహరము మనసులోనిలిచేలా చెబితే మహనీయము గుండ్లపల్లి రాజేంద్రప్రసాద్, భాగ్యనగరం
మనుజులు మనస్తత్వాలు మనుషులంతా ఒకటిగానే ఉంటారు మనసులు మాత్రం విభిన్నంగా ఆలోచిస్తుంటాయి నరులంతా ఒకేలాగుంటారు నడవడికలు మాత్రం విచిత్రంగా ఉంటాయి మనుజులంతా మంచివారులా కనపడతారు కొందరికృత్యాలు మాత్రం కర్కశంగా ఉంటాయి మానవులంతా మస్తిస్కంచెప్పినట్లు వింటారు మార్చాలని ప్రయత్నించినా మొండికేస్తారు మిన్నకుంటారు మర్త్యులంతా మహనీయులులాగే ఉంటారు స్వార్ధం కట్టేసినపుడు సొంతలాభాలు చూచుకుంటారు మానుషులంతా ప్రేమకులోలులు దొరక్కపోతే ఉగ్రులవుతారు పిచ్చివాళ్ళవుతారు జనమంతా అందాలు కోరుకుంటారు అనుభవించాలని ఉవ్విళ్ళూరుతుంటారు జనులంతా ఆనందపిపాసులే సంతసాలకోసం శ్రమిస్తుంటారు ఎదురుచూస్తుంటారు మనుజుల పోకడలు వర్ణనాతీతము ఊహాతీతము మనుషుల మనస్తత్వాలు చదవటానికి ప్రయత్నించు మార్చటానికి మార్గాలుకనుగొను గుండ్లపల్లి రాజేంద్రప్రసాద్, భాగ్యనగరం
ఎవడయ్య వాడు? చెట్లు లేకుండా పూలు పూయించేవాడు కాయలు కాయించేవాడు ఎవడయ్య వాడు? మబ్బులు లేకుండా వానలు కురిపించేవాడు కాలువలు పారించేవాడు ఎవడయ్య వాడు? నీరు లేకుండా నదులను ప్రవహింపజేసేవాడు పడవలను నడిపించేవాడు ఎవడయ్య వాడు? నిప్పు లేకుండా అగ్గి రగిల్చేవాడు మంటలు మండించేవాడు ఎవడయ్య వాడు? కాలు కదపకుండా శిఖరానికి చేరేవాడు లోయలోనికి దిగేవాడు ఎవడయ్య వాడు? భోజనం పెట్టకుండా కడుపులు నింపేవాడు ఆకలి తీర్చేవాడు ఎవడయ్య వాడు? పానీయం ఇవ్వకుండా గొంతులు తడిపేవాడు దప్పిక తీర్చేవాడు ఎవడయ్య వాడు? నిద్దుర పోకుండా కలలు కనేవాడు కల్పనలు చేసేవాడు ఎవడయ్య వాడు? కళ్ళకు కనపడకుండా కవ్వింపులకు గురిచేసేవాడు కమ్మదనాలు కలిగించేవాడు ఎవడయ్య వాడు? నోరు విప్పకుండా తేటపలుకులు విసిరేవాడు తేనెచుక్కలు చల్లేవాడు ఎవడయ్యవాడు? ఎవడయ్య వాడు ఇంకెవడు వాడు మన కవివర్యుడు మనకు రవితుల్యుడు ఎవడయ్య వాడు ఇంకెవడు వాడు సరస్వతీ పుత్రుడు సాహితీ ప్రియుడు గుండ్లపల్లి రాజేంద్రప్రసాద్,భాగ్యనగరం
అందచందాలు ముగ్గువేస్తే ఇంటికి అందం సిగ్గులొలికితే మోముకు అందం రంగువేస్తే బొమ్మకు అందం హంగుచూపితే మదికి అందం నవ్వులుచిందితే నెలతకి అందం పువ్వులుపెడితే కొప్పుకు అందం జాబిలిపొడిస్తే ఆకాశానికి అందం హరివిల్లు అగపడితే నింగికి అందం అక్షరాలు అమరితే కవితకు అందం పదాలు పొసిగితే కవనానికి అందం భావం బాగుంటే కవిత్వానికి అందం అంతరంగం దోస్తే సాహిత్యానికి అందం గుండ్లపల్లి రాజేంద్రప్రసాద్,భాగ్యనగరం
మా ఇల్లు రవికాంతులతో శశివెన్నెలతో వెలిగిపోతున్నదే మా ఇల్లు చిరునవ్వులతో శాంతిసుఖాలతో మురిసిపోతున్నదే మా ఇల్లు అతిధులతో ఆహ్వానితులతో కళకళలాడుతున్నదే మా ఇల్లు అందచందాలతో ఆనందపరవశంతో ఆకర్షిస్తున్నదే మా ఇల్లు నాలుగువైపులాచెట్లతో సుమసౌరభాలతో నందనవనాన్ని తలపిస్తున్నదే మా ఇల్లు పక్షుల కిలకిలతో పూలపండ్లతో పరవశపరుస్తున్నదే మా ఇల్లు అందరికీ నచ్చేలా చూచినవారు మెచ్చేలా తీర్చిదిద్దబడినదే మా ఇల్లు ప్రేమమూర్తులతో సేవాతత్పరులతో నిండియున్నదే మా ఇల్లు వంటల ఘుమఘుమలతో వేడివేడి వడ్డింపులతో విలసిల్లుచున్నదే మా ఇల్లు మీ రాకకోసం మీ దీవెనలకోసం ఎదురుచూస్తున్నదే మా ఇల్లు గుండ్లపల్లి రాజేంద్రప్రసాద్, భాగ్యనగరం
తలచేష్టలు సంకేతాలు తల గీకుకుంటే ఆలోచనలు తోస్తాయా తల నిమురుకుంటే గతఙ్ఞాపకాలు గుర్తుకొస్తాయా తల బాదుకుంటే తత్వం బోధపడుతుందా తల కొట్టుకుంటే తంటాలు తప్పుతాయా తల పట్టుకుంటే బాధలు తీరుతాయా తల కట్టుకుంటే నొప్పి తగ్గుతుందా తల స్నానంచేస్తే దేహం శుద్ధవుతుందా తల వెంట్రుకలిస్తే దైవకటాక్షం లభిస్తుందా తల వంచుకుంటే తప్పు ఒప్పుకున్నట్లేనా తల ఎత్తుకుంటే ఘనకార్యం చేసినట్లేనా తల తిప్పుకుంటే అయిష్టం వ్యక్తపరచినట్లేనా తల గోడకుకొడితే అన్యాయం జరిగినట్లేనా తల ఎగరేస్తే అంగీకారం తెలిపినట్లేనా తల పనిచేయించుకుంటే అందం ఆవహించినట్లేనా తల తెంచుకుంటే పాపాలు పరిహారమవుతాయా తల ఊపితే చెప్పినదానికి ఒప్పుకున్నట్లేనా గుండ్లపల్లి రాజేంద్రప్రసాద్, భాగ్యనగరం
ఎవరేవరో వచ్చేరు? ఏమిటేమిటో చేసేరు? గాలి వచ్చింది కంటికి కనపడలేదు చేతికి చిక్కలేదు తనువును తాకింది వెలుగు వచ్చింది పట్టుకోబోతే దొరకలేదు పలుకరిస్తే జవాబివ్వలేదు కళ్ళల్లోకి దూరింది వాన వచ్చింది పొమ్మంటే పోలేదు తగ్గమంటే వినలేదు నేలను తడిపింది జాబిల్లి వచ్చింది వెన్నెల చల్లింది విహారానికి పిలిచింది వేడుక చేసింది అందం ముందుకొచ్చింది అదేపనిగా చూడమంది ఆస్వాదించమని అన్నది అంతరంగాన్ని తట్టింది చిరునవ్వు వచ్చింది ఆధారాలపై కూర్చుంది మోమును వెలిగించింది చిందులు త్రొక్కించింది వయసు వచ్చింది వర్ఛస్సు పెంచింది సొగసు ఇచ్చింది మనసును మురిపించింది కవిత్వం వచ్చింది కలము పట్టించింది కాగితం నింపించింది కమ్మదనం కలిగించింది గుండ్లపల్లి రాజేంద్రప్రసాద్,భాగ్యనగరం
కవితలపుస్తకం కవితాపుస్తకం కొనితెచ్చుకొమ్ము హస్తాభరణం అనిచేతపట్టుకొమ్ము కవితాపుస్తకం బహుమధురము కవిహృదయం చాలాఘనము కవితాపుస్తకం తెరువు కమ్మనికవిత్వం క్రోలు కవితాపుస్తకం చదువు కవిహృదయం ఎరుగు కవితాపుస్తకం పొరుగువారికిపంచు పాఠకులహృదయం తట్టిమురిపించు కవితాపుస్తకము ముద్రణకుసహకరించు కవివర్యులకు ప్రోత్సాహమునందించు కవితాపుస్తకం మూలపెట్టకు ఆలోచనలకు అడ్డుకట్టవేయకు కవితాపుస్తకం విసిరేయకు విషయాలను విస్మరించకు కవితాపుస్తకం పుటలుతిప్పు కవిగారికష్టం గుర్తించు కవితాపుస్తకము కాపాడు భావితరముకు భద్రపరచు కవితాపుస్తకం అమూల్యం అజరామరం అస్వాదనీయం కవితాపుస్తకం కవిమస్తకం కమనీయం కడురమణీయం గుండ్లపల్లి రాజేంద్రప్రసాద్, భాగ్యనగరం
కాలము జీవితము క్షణాలు నీరులా ఆవిరైపోతున్నాయి వద్దన్నా ఆగకుండా చెప్పినా వినకుండా నిమిషాలు రైలుచక్రాల్లా పరుగెత్తుతున్నాయి త్వరగా ముందుకువెళ్ళాలని శీఘ్రంగా గమ్యాలనుచేరాలని గంటలు నాటకసన్నివేశాల్లా గడిచిపోతున్నాయి సంభాషణలు వినిపిస్తూ కథను వివరిస్తూ రోజులు సూర్య్యునితోపాటు కదులుతున్నాయి ఉదయంతో ప్రారంభమవుతూ రాత్రింబవళ్ళు మార్చుకుంటూ మాసాలు చంద్రునితోపాటు తిరుగుతున్నాయి ఓపక్షం పున్నమివరకూ పెరుగుతూ మరోపక్షం అమావాస్యవరకు తగ్గుతూ వత్సరాలు ఋతుచక్రంతోపాటు నడుస్తున్నాయి వసంతంతో ప్రారంభమయి శిశిరంతో అంతమయి వయసు తెలియకుండా మీదపడుతుంది బాల్య కౌమారాలు దాటుకుంటూ యవ్వన వృధ్యాప్యాలు అతిక్రమిస్తూ కాలము జీవనదిలా ప్రవహిస్తుంది జీవితము కాలానికెదురీదుతూ దొర్లిపోతుంది గుండ్లపల్లి రాజేంద్రప్రసాద్,భాగ్యనగరం
కవితాజననాలు కవితలను రమ్మంటే రావు చిన్నగాతియ్యగా ఊరుతాయి తోడుకోమంటాయి త్రాగమంటాయి కవితలను శాసిస్తే లొంగిపోవు రక్తిశక్తిచూపమని కోరుకుంటేనే వెలువడుతాయి వేడుకచేస్తాయి కవితలను భయపెడితే లొంగవు బ్రతిమలాడి బుజ్జగిస్తేనే కాగితాలకెక్కి కనువిందుచేస్తాయి కవితలను తొందరపెడితే ఒప్పుకోవు నిదానంగా సహనంతో అభ్యర్ధిస్తేనే దిగివస్తాయి మురిపిస్తాయి కవితలను కావాలంటే పుట్టవు అందాలుచూపించి ఆనందంకలిగిస్తేనే జనిస్తాయి కవితలను పరుగుపెట్టమంటే ఒప్పుకోవు ఓర్పునేర్పు చూపితేనే పెళ్ళికూతురులా నడుచుకుంటూవస్తాయి కవితలను వెలిగిస్తామంటేనే రవికిరణాల్లా రమణీయంగా ముస్తాబయివస్తాయి కవితలను గుభాళించమంటేనే సౌరభాలు వెదజల్లుతూ సుమాల్లా సంబరపరుస్తాయి కవితలను ఆస్వాదించేలా ఉంటేనే శ్రావ్యంగా సుతారంగా కళ్ళముందుకు వస్తాయి కవితలను కురవమంటే కురవు వాణీదేవి కరుణిస్తేనే కలాలనుండి జాలువారుతాయి గుండ్లపల్లి రాజేంద్రప్రసాద్, భాగ్యనగరం