Gundlapall Rajendraprasad

 కవిగారి భావకవితలు కవిగారు కలమును  తేనెతో నింపారేమో  కవితలు తీపిగాయుంటున్నాయి కవిగారు అక్షరాలమీద  అత్తరు చల్లారేమో పరిమళాలు వెదజల్లుతున్నాయి  కవిగారు పదములను  మత్తులో ముంచారేమో  మైకంలో ముంచేస్తున్నాయి  కవిగారు పంక్తులకు సూదంటురాళ్ళు తగిలించారేమో  మనసులను లాగేస్తున్నాయి కవిగారు కవనంతో  గారడి చేస్తున్నారేమో  భ్రమలు కలిగిస్తున్నాయి కవిగారు ఆకాశంలో  కవనమేఘాలను సృష్టిస్తున్నారేమో కవితాజల్లులు తడిపేస్తున్నాయి కవిగారు రవికిరణాలను గుప్పెటలో దాచుకున్నారేమో తెలుగుపై వెదజల్లుతున్నారు కవిగారు ఆలోచనలను నదిలా పారిస్తున్నారేమో నిత్యకైతలతో ముంచేస్తున్నారు కవిగారు మాటలను కాచి వడగట్టారేమో చక్కగా వినియోగిస్తున్నారు కవిగారు పాఠకుల మనసులు చదివారేమో కోరుకున్నకైతలు అందిస్తున్నారు గుండ్లపల్లి రాజేంద్రప్రసాద్, భాగ్యనగరం

 మా చిన్నిక్రిష్ణా! మా ఇంటి దీపమా! మా కంటి వెలుగా! మా వంశ ఉద్ధారకుడా! మా కలల సాకారికుడా! మా వరాల బిడ్డా! మా బంగారు బొమ్మా! వినాయాకునికి మ్రొక్కరా ఓనమాలుని మొదలెట్టరా వాణీదేవిని పూజించరా విద్యనిమ్మని ప్రార్ధించరా పలకను పట్టరా పాఠశాలకు వెళ్ళరా అ ఆలు నేర్వరా అమ్మానాన్నల అలరించరా అమ్మ ఆవులు చదవరా అచ్చ తెలుగును పలుకరా గురువులకు నమస్కరించరా స్నేహితులకు తోడ్పాటందించరా అచ్చులతో అక్షరాలారంభించరా హల్లులతో వర్ణమాలనుముగించరా గుణింతాలు   దిద్దరా స్పష్టముగ ఉచ్చరించరా పద్యాలు పఠించరా గద్యాలు వచించరా చిరునవ్వులు చిందరా ముద్దుమాటలు వినిపించరా మంచిబాటన నడవరా గొప్పస్థితికి చేరుకోరా కుటుంబగౌరవాన్ని కాపాడరా పేరుప్రఖ్యాతులుని పొందరా ఉత్తమపౌరుడిగా ఎదగరా ఆదర్శప్రాయుడిగా నిలువరా గుండ్లపల్లి రాజేంద్రప్రసాద్, భాగ్యనగరం

 ఎందుకో? పల్లకిలో కూర్చోవాలనిలేదు బోయీలతో మోయించుకోవాలనిలేదు కార్లలో తిరుగాలనిలేదు బార్లలో త్రాగాలనిలేదు విమానాలు ఎక్కాలనిలేదు విదేశాలకు వెళ్ళాలనిలేదు అందంగా తయారవాలనిలేదు అందరినీ ఆకట్టుకోవాలనిలేదు పంచభక్ష్యాలు తినాలనిలేదు పూర్తిగాపొట్టను నింపుకోవాలనిలేదు ప్రశంసలను పొందాలనిలేదు పేరుప్రఖ్యాతులు ప్రాప్తించాలనిలేదు ఆడంబరాలకు పోవాలనిలేదు సొంతడబ్బాను కొట్టుకోవాలనిలేదు జేబులు నింపుకోవాలనిలేదు మోసాలు చెయ్యాలనిలేదు గోతులను తియ్యాలనిలేదు గుంటలందు తొయ్యాలనిలేదు అబద్ధాలు చెప్పాలనిలేదు నిజాలను దాచాలనిలేదు కానీ అందాలను చూడాలనియున్నది ఆనందమును అందుకోవాలనియున్నది అనుభూతలను పంచాలనియున్నది అంతరంగాలను ఆహ్లాదపరచాలనియున్నది    కలమును పట్టాలనియున్నది కాగితాలను నింపాలనియున్నది అక్షరాలను అల్లాలనియున్నది పదాలను పేర్చాలనియున్నది ఆలోచనలను ఊరించాలనియున్నది పంక్తులను పారించాలనియున్నది తక్కువమాటలను వాడాలనియున్నది ఎక్కువభావమును తెలుపాలనియున్నది వెలుగులు చిమ్మాలనియున్నది చీకట్లను పారద్రోలాలనియున్నది ఆకాశానికి ఎగిరిపోవాలనియున్నది అంబుదాలనెక్కి స్వారీచేయాలనియున్నది అద్భుతకవితలను సృష్టించాలనియున్నది పాఠకు...

 కవ్వింపులు ఆమె రమ్మంది అడుగుముందుకెయ్యలా సైగలు చేసింది చూడనట్టునటించా పక్కకు పిలిచింది పోలా పొంకాలు చూపింది పరికించలా పరిమళం చల్లింది పీల్చలా పకపకా నవ్వింది ప్రతిస్పందించలా పరిహాసమాడింది పట్టించుకోలా ప్రవరాఖ్యుడువా అన్నది పలకలా ప్రేమ ఒలకబోసింది భీష్మించుకొనికూర్చున్నా వలపువలను విసిరింది చిక్కకుండాతప్పించుకున్నా కోరచూపు చూచింది కళ్ళుమూసుకున్నా కేకలు వేసింది చెవులుమూసుకున్నా కవీ అనియన్నది కళ్ళుతెరిచా కలము పట్టమంది చేతికితీసుకున్నా కాగితం తీయమంది బయటకుతీశా కవిత రాయమంది వ్రాశా కమ్మగా పాడమంది పాడా పరవశించి పోయింది పులకరించా చెయ్యి చాచింది చేతులుకలిపా వాగ్దానం చేయమంది మాటిచ్చా రోజూ రమ్మంది సరేనన్నా నిత్యమూ రాయమంది ఒప్పుకున్నా పత్రికలకు పంపమంది తలనూపా పాఠకుల అభిమానుడివికమ్మంది ప్రయత్నిస్తానన్నా పుస్తకం ప్రచురించమంది సమ్మతించా కలలోకి వస్తానన్నది అంగీకరించా కవ్వింపులు వీడనన్నది స్వాగతమన్నా టాటాబైబై చెప్పింది సెలవుతీసుకున్నా గుండ్లపల్లి రాజేంద్రప్రసాద్, భాగ్యనగరం నన్ను అపార్ధంచేసుకోకండి ఆమె విరబూచిన విరి నన్ను దూషించకండి ఆమె కులుకుల కలికి నన్ను తిట్టకండి ఆమె కవితా కుమారి నన్ను ప్రేలాపిననుకో...

 పరస్పరాధారితాలు తావి లేక పూవునిలువలేదు పూవు లేక తావి నిలువలేదు పువ్వుతావి ముచ్చటైనజంట  అందము లోనే ఆనందమున్నది ఆనందము లోనే అందమున్నది అందమూఆనందమూ అందరికీ అవసరము తలలు లేక తలపులుండవు తలపులు లేని తలలుండవు తలలే తలపులకుమూలం రాత్రులు లేక పగల్లుండవు పగల్లు లేక రాత్రులుండవు అహర్నిశలు రోజుకుసేవకులు ఉదయించే సూరీడు అస్తమించకమానడు అస్తమించే సూరీడు ఉదయించకమానడు రవి నిత్యసంచారి బంధాలు లేక అనుబంధాలుండవు అనుబంధాలు లేక బంధాలునిలువవు బంధానుబంధాలే ప్రేమద్వారాలు విత్తుల నుండి చెట్లువస్తాయి చెట్లనుండి విత్తులువస్తాయి ఏదిముందో చెప్పుటకష్టము వర్షాలు లేకపోతే చెట్లుండవు చెట్లు లేకపోతే వర్షాలుండవు ప్రజలకు రెండూముఖ్యం వాక్కు అర్ధమునిస్తుంది అర్ధము వాక్కునిస్తుంది వాక్కును అర్ధాన్ని విడగొట్టలేము భర్త లేక భార్య ఉండలేడు భార్య లేక  భర్త ఉండలేడు ఆలుమగలు అనురాగాలకు ప్రతీకలు అక్షరాలు లేక పదాలుండవు పదాలు లేక అక్షరార్ధాలుండవు అక్షరపదాలనుబంధమే కైతలకమ్మదనం కవులు లేకపోతే కవితలుండవు కవితలు లేకపోతే కవులుండరు కవితలుచదవాలి కవులనుప్రోత్సహించాలి కవితలు  కమ్మదనాన్నిస్తాయి కమ్మదనాన్ని కవితలిస్తాయి కయితలకమ్మదనాలను...

 ఓ మనిషీ! (ప్రబోధగేయం) కుదరదు కుదరదు కుదరదు కూర్చొని తినటము కుదరదు వంటిని వంచక కుదరదు            ||కుద|| తప్పదు తప్పదు తప్పదు కాయా కష్టము తప్పదు గడనా చేయక తప్పదు వలదు వలదు వలదు సోమరి బతుకు వలదు లేకిగ తిరుగుట వలదు              ||కుద|| కూడదు కూడదు కూడదు చోరీ  చేయుట కూడదు దోపిడీ చేయుట కూడదు వేడొద్దు వేడొద్దు వేడొద్దు దానా ధర్మాలు వేడొద్దు దయా దాక్షిణ్యాలు వేడొద్దు           ||కుద|| వద్దూ వద్దూ వద్దూ వెధవా చేష్టలు వద్దూ వెర్రీ వేషాలు వద్దూ కార్చొద్దు కార్చొద్దు కార్చొద్దు మొసలి కన్నీరు కార్చొద్దు చీటిమాటికి కన్నీరు కార్చొద్దు         ||కుద|| వెళ్ళొద్దు వెళ్ళొదు వెళ్ళొద్దు డాంబికాలకు వెళ్ళొద్దు కొట్లాటలకు వెళ్ళొద్దు తిరగొద్దు తిరగొద్దు తిరగొద్దు అచ్చేసిన ఆబోతులా తిరగొద్దు అవసరము లేకుండా తిరగొద్దు        ||కుద|| త్రాగొద్దు త్రాగుద్దు త్రాగొద్దు కల్లు సారాయీలు త్రాగొద్దు బీరు బ్రాందీలను త్రాగొద్దు బ్రతుకు బ్రతుకు బ్రతుకు నీతిమంతుడిలాగా బ్రతుకు ని...

 అక్షరజల్లులు అక్షరజల్లులు చల్లనా అంతరంగాలను ముట్టనా అక్షరసుమాలు అందించనా అందచందాలను ఆస్వాదింపజేయనా అక్షరపరిమళాలు వెదజల్లనా ఆఘ్రానించేవాళ్ళను ఆనందపరచనా అక్షరముత్యాలు పంచనా హారములగుచ్చి ధరించమందునా అక్షరదీపాలు వెలిగించనా అఙ్ఞానంధకారమును పారద్రోలనా అక్షరసత్యాలు చెప్పనా అమాయకులకళ్ళు తెరిపించనా అక్షరఙ్ఞానము నేర్పనా తెలివితేటలను తలలకెక్కించనా అక్షరదేవతలను ఆహ్వానించనా అభయహస్తమును అందించమందునా అక్షరమాలను అల్లుతా తెలుగుతల్లిమెడనందు అలంకరించుతా అక్షరసేవలు చేస్తా వాణీదేవిప్రసన్నతను పొందుతా అక్షరవిత్తనాలు చల్లుతా కవితాసేద్యమును సాగిస్తా అక్షరవనమును అభివృద్ధిచేస్తా కవితాపంటలను పండించుతా అక్షరాభ్యాసాలు చెయిస్తా చదువుసంధ్యలు నేర్పుతా అక్షరమహత్యము తెలుపుతా సకలురను అక్షరాస్యులుకమ్మంటా అక్షరలక్షలు అందించుతా ఆంధ్రావాఙ్ఞయమును కాపాడుటకుకృషిచేస్తా అక్షరసంపదను అభివృద్ధిచేస్తా ఆంధ్రాభాషకు అంకితమవుతా గుండ్లపల్లి రాజేంద్రప్రసాద్, భాగ్యనగరం

 ఓ వానా! వానా వానా స్వాగతం సుస్వాగతం నింగినుండి దిగు నేలతల్లిని తాకు వానా వానా రాలు రాలు పిల్లలనాడించు బాలలపాడించు వానా వానా రా రా పుడమిని తడుపు పంటలు పండించు వానా వానా కురువు కురువు కుంటలు నిండించు చెరువులు పూరించు వానా వానా వచ్చేయి వచ్చేయి నదులు పారించు సెలయేర్లు సాగించు వానా వానా చిటపటమను చినుకులు చల్లు చిన్నారుల చిందులేయించు వానా వానా టపటపమను కప్పలనరిపించు చేపలనీదించు వానా వానా డబడబా వంగు కరువును పారద్రోలు కష్టాలను కడతేర్చు   వానా వానా కాపాడు కాపాడు కర్షకులను రక్షించు కూలీలకు పనులివ్వు వానా వానా జల్లులు చల్లు వాతావరణం చల్లపరచు వసుధను పచ్చబరుచు వానా వానా వందనం వందనం మనసుల మరిపించు  మనుజుల మురిపించు  గుండ్లపల్లి రాజేంద్రప్రసాద్, భాగ్యనగరం

 నవ్వులజల్లులు నవ్వులు పిలిచాయి కైతలు కూర్చమన్నాయి నవ్వులు తట్టాయి ఊహలు ఊరాయి నవ్వులు నోర్లుతెరచాయి అక్షరాలు చేతికిచిక్కాయి నవ్వులు పలికాయి పదాలు ప్రవహించాయి నవ్వులు కవ్వించాయి కలాలు పట్టించాయి నవ్వులు చిందిస్తా మోములు వెలిగిస్తా నవ్వులు కురిపిస్తా మేనులు మురిపిస్తా నవ్వులు సంధిస్తా బాధలు తరిమేస్తా నవ్వులు చల్లుతా మదులు ముట్టుతా నవ్వులు విసురుతా హృదులు నింపుతా నవ్వులు పూయిస్తా పరిమళాలు చల్లేస్తా నవ్వులు పారిస్తా నాపచేలు పండిస్తా నవ్వులు మొలిపిస్తా అందాలు చూపిస్తా నవ్వులు వెలిగిస్తా మేనులు మురిపిస్తా నవ్వులు వడ్డిస్తా కడుపులు నింపేస్తా నవ్వులు వినిపిస్తా గంతులు వేయిస్తా నవ్వులు చూపిస్తా కళ్ళను కట్టేస్తా నవ్వులు అందిస్తా నిరాశలు తొలిగిస్తా నవ్వులు మనోహరాలు మధురిమలు మనుగడలు నవ్వులని పట్టుకోండి పలువురికి పంచండి మీరు నవ్వండి తోటివాళ్ళను నవ్వించండి గుండ్లపల్లి రాజేంద్రప్రసాద్, భాగ్యనగరం

 పువ్వును నేను పువ్వును ప్రకృతిని ప్రేరేపిణిని నేను పరిమళమును పొంకమును ప్రోత్సాహమును నేను బాలను కన్యను ముత్తైదువను నేను సుకుమారమును వధువును పేరంటాలును నేను రంగును హంగును పొంగును నేను అందమును ఆనందమును ప్రాయమును నేను తేనెను పన్నీరును ప్రేమను నేను తియ్యదనమును సుగంధమును అనురాగమును నేను వయ్యారిని సూదంటురాయిని ప్రమోదాన్ని నేను ప్రణయాన్ని ఆకర్షణిని అలరింపుని నేను కళకళలాడుతా కాంతులుచల్లుతా కవితావస్తువునవుతా నేను కళ్ళనుకట్టేస్తా కవ్వించుతా కమ్మనికైతలుకూర్పిస్తా నేను రెబ్బలను దండలను అలంకారమును నేను తలలపైజల్లుకురిపిస్తా మెడలనుచుట్టుకుంటా చక్కదనాన్నిచూపిస్తా నేను ఉదయంపుడుతా మధ్యహ్నంవిచ్చుకుంటా రాత్రికివాడిరాలిపోతా నేను తోటల్లోయుంటా కొప్పుల్లోనుంటా కసువైపోతుంటా నేను ప్రకృతిపుత్రికని అందానికితావుని ఆనందదాయిని నేను స్వాగతంపలుకుతా సుఖాలుపంచుతా సంబరపెడుతా గుండ్లపల్లి రాజేంద్రప్రసాద్, భాగ్యనగరం

 గడ్డిపువ్వును నేను గడ్డిపువ్వును గరికపూవును తృణపుష్పమును నేను బుజ్జిపువ్వును పొట్టిపువ్వును చిట్టిపువ్వును చిన్నపువ్వునని చిన్నబుచ్చకు నొచ్చుకొందునునేను నన్నుతిట్టుకొందును పనికిరానిదని ప్రేలాపించకు బాధపడుదును కుమిలిపోదును తృణపుష్పమని తూలనాడకు తలచిందుకుందును తల్లడిల్లిపోవుదును పిట్టకొంచెమైనను కూతఘనమను మురిసిపోవుదును మెరిసిపోవుదును తెరువరులకు అందాలుచూపిస్తాను అలసటలేకుండా ముందుకునడిపిస్తాను తొక్కకుండావదిలితే తృప్తిజెందుతాను ధన్యుడననుకుంటాను ధన్యవాదాలుచెబుతాను దారినవెళ్ళేవారిని పలుకరిస్తాను వారికిశుభంచేకూరాలని కోరుకుంటాను దయచేసి కోయవద్దు గోర్లతో గిచ్చవద్దు చేతులతో నలపవద్దు చెత్తబుట్టలో పదవేయవద్దు గుండ్లపల్లి రాజేంద్రప్రసాద్, భాగ్యనగరం

 ఆదేశంలో ఎన్నికలచిత్రము ఆదేశంలో త్వరలో వస్తున్నాయి ఎన్నికలు అన్నీచూచి ఆలోచించి వేయండి మీవోట్లని గొర్రెలు బర్రెలు అనుకుంటున్నారు ఓటరుమహాశయులను నక్కలు ఊళలు వేస్తున్నాయి వినవద్దు గాడిదలు ఓండ్రింపులు పెడుతున్నాయి పట్టించుకోవద్దు పాములు బుసలుకొట్టి నృత్యముచేస్తున్నాయి పరికించవద్దు తోడేల్లు నోర్లుతెరచి కూతలుకూస్తున్నాయి లెక్కచేయవద్దు పులులు గాండ్రింపులు చేస్తున్నాయి ఆలకించవద్దు ఎన్నికలలో ఎట్లాగయినా గెలవాలని చూస్తున్నారు అవినీతి ధనమును పంచాలని చూస్తున్నారు అమలుచేయలేని లెక్కలేని హామీలను ఇస్తున్నారు మద్యాన్ని అందించి గెలవాలని ప్రయత్నిస్తున్నారు మత్తులోకి ప్రజలుని దించాలని చూస్తున్నారు తియ్యని మాటలను అమాయకులపై సంధిస్తున్నారు భ్రమలు కలిపించి మోసంచెయ్యాలని పాటుపడుతున్నారు గాలంవేసి వోటర్లను వలలోవేసుకోవాలని చూస్తున్నారు కులకుంపట్లను రగిలుస్తున్నారు మతద్వేషాలను ముట్టిస్తున్నారు ఓటరూ తొందరపడకు ఓటరూ అమ్ముడుపోకు ఓటర్లు పారాహుషారు నాటకాలు గమనించు అమీతుమీ తేల్చుకోవాలి ఆచీతూచీ వోట్లెయ్యాలి విజయం ప్రజలకుదక్కాలి అపజయం వినాయకులపాలుకావాలి జై జై ఓటరూ జయహో ఓటరూ గుండ్లపల్లి రాజేంద్రప్రసాద్, భాగ్యనగరం

 ఎవరికెరుక? ఎప్పుడు  ఏ గాలి  వీస్తుందో? ఎప్పుడు  ఏ ఆలోచన  పుడుతుందో? ఎప్పుడు  ఏ అందం  కనపడుతుందో? ఎప్పుడు  ఏ ఆనందం  కలుగుతుందో? ఎప్పుడు ఏ మబ్బు  కురుస్తుందో? ఎప్పుడు ఏ పువ్వు పూస్తుందో?  ఎప్పుడు  ఏ తోడు దొరుకుతుందో?  ఎప్పుడు  ఏ ముహూర్తం  కుదురుతుందో?   ఎప్పుడు  ఏ శుభకార్యం  జరుగుతుందో? ఎప్పుడు  ఏ ఫలితం  లభిస్తుందో?  ఎప్పుడు  ఏ పిలుపు  వస్తుందో? ఎపుడు ఏ దేవుడు ఎవరినికరుణిస్తాడో? ఎపుడు ఏ భక్తుడు ఏవరంపొందుతాడో? ఎపుడు ఏ కవి ఏకైతవ్రాస్తాడో? ఎపుడు ఏ కవిత ఎవరినాకర్షిస్తుందో? ఎపుడు ఏమి జరుగుతుందో ఎవరికెరుక? గుండ్లపల్లి రాజేంద్రప్రసాద్, భాగ్యనగరం

 వెలుగులు చిమ్ముతా! దీపాలు వెలిగిస్తా చీకట్లు తొలిగిస్తా మోములు వెలిగిస్తా నవ్వులు చిందిస్తా కళ్ళను వెలిగిస్తా అందాలు చూపిస్తా వీధులు వెలిగిస్తా రాత్రులను పగలుచేస్తా దారులు వెలిగిస్తా గమ్యమువైపు నడిపిస్తా దివిటీలు వెలిగిస్తా దేవతలను ఊరేగిస్తా జీవితాలు వెలిగిస్తా ఆనందాలు అందిస్తా కొవ్వొత్తులు వెలిగిస్తా నిరసనలు తెలియజేస్తా అవ్వాయిచువ్వలు వెలిగిస్తా ఆకాశమందు ప్రేలుస్తా మనసులు వెలిగిస్తా ఆలోచనలు పారిస్తా అక్షరాలు వెలిగిస్తా అఙ్ఞానము తరిమేస్తా కాగితాలు వెలిగిస్తా కవితలను చదివిస్తా కవితలు వెలిగిస్తా కమ్మదనాలు కూర్చుతా గుండ్లపల్లి రాజేంద్రప్రసాద్, భాగ్యనగరం

 వెలుగులు చిమ్ముతా! దీపాలు వెలిగిస్తా చీకట్లు తొలిగిస్తా మోములు వెలిగిస్తా నవ్వులు చిందిస్తా కళ్ళను వెలిగిస్తా అందాలు చూపిస్తా వీధులు వెలిగిస్తా రాత్రులను పగలుచేస్తా దారులు వెలిగిస్తా గమ్యమువైపు నడిపిస్తా దివిటీలు వెలిగిస్తా దేవతలను ఊరేగిస్తా జీవితాలు వెలిగిస్తా ఆనందాలు అందిస్తా కొవ్వొత్తులు వెలిగిస్తా నిరసనలు తెలియజేస్తా అవ్వాయిచువ్వలు వెలిగిస్తా ఆకాశమందు ప్రేలుస్తా మనసులు వెలిగిస్తా ఆలోచనలు పారిస్తా అక్షరాలు వెలిగిస్తా అఙ్ఞానము తరిమేస్తా కాగితాలు వెలిగిస్తా కవితలను చదివిస్తా కవితలు వెలిగిస్తా కమ్మదనాలు కూర్చుతా గుండ్లపల్లి రాజేంద్రప్రసాద్, భాగ్యనగరం

 ఓ పాఠకా! కాగితంపైని అక్షరాలని ఆదినుండి అంతంవరకి అర్ధమయ్యేదాకా చదువూ చదువూ పుటలమీద పేర్చినపదముల ప్రాసప్రయోగముల పొర్లుపోవనీక పూర్తయ్యేదాకా చదువూ చదువూ కవిమనసుల్లో పుట్టిపొంగిపొర్లిన భావములను కడవరకు మనసులోనిలిచేదాకా చదువూ చదువూ కవులుకూర్చిన కమ్మనికవితలను మొదటినుండి చివరివరకు కడుపునిండేదాకా చదువూ చదువూ కవిహృదయాన్ని కనిపెట్టేవరకు అంతరంగాన్ని అంటుకునేవరకు ఆస్వాదించేదాకా చదువూ చదువూ కథలను కవితలను పద్యాలను పురాణాలను చిక్కినవన్నీ చదువూ చదువూ పుష్పకైతలను ప్రేమకవితలను భావకయితలను ఇతరకవనాలను దొరికినవన్నీ చదువూ చదువూ పాతరచనలను ప్రస్తుతరచనలను వర్ధమానరచనలను వివిధరచనలను అందినవన్నీ చదువూ చదువూ దినపత్రికలను వారపత్రికలను మాసపత్రికలను ప్రత్యేకప్రచురణలను అందినవన్నీ చదువూ చదువూ ఈకవనాన్ని ప్రభోదమనుకోకు పాఠకులనుచదివి పొగడమన్నానుకోకు మంచిరాతలన్నింటినీ చదువూ చదువూ గుండ్లపల్లి రాజేంద్రప్రసాద్, భాగ్యనగరం

 కవితకోసం నెత్తిని తవ్వుతా ఊహలను ఊరిస్తా శిరసులోకి దిగుతా భావమును బయటకుతీస్తా తలలో వెదుకుతా అక్షరాలను ఏరుకుంటా బుర్రకు పనిపెడతా పదాలను పట్టుకుంటా వెంట్రుకలను పీకుకుంటా పంక్తులును అమరుస్తా చెమటను కారుస్తా చరణాలు పేరుస్తా కలమును పడతా కాగితాలను నింపుతా మదిని చిలుకుతా కవితను కూరుస్తా పాఠకులకు పంపుతా పరమానందము పంచుతా కైతలు చదివిస్తా మనసులు మురిపిస్తా పువ్వులు పూయిస్తా పరిమళాలు చల్లిస్తా నవ్వులు చిందిస్తా మోములు వెలిగిస్తా అందాలు చూపిస్తా ఆనందం కలిగిస్తా గుండ్లపల్లి రాజేంద్రప్రసాద్, భాగ్య నగరం

 తెల్లకాగితస్వగతం తెల్లని కాగితాన్ని స్వచ్ఛతకి నిదర్శనాన్ని ఏమైనా వ్రాయవచ్చు ఎవరికైనా పంపవచ్చు క్షేమలేఖ వ్రాయవచ్చు ప్రేమలేఖ రాయవచ్చు అందముగా చెక్కవచ్చు పిచ్చిగా గీయవచ్చు ఏ ఊసయినా పరవాలేదు ఏ భాషయినా ఇబ్బందిలేదు ఏ మతమైనా ఒప్పుకుంటా ఏ కులమైనా అంగీకరిస్తా ఏ రంగైనా సరేనంటా ఏ విషయమైనా సరేనంటా పెన్నయినా వినియోగించవచ్చు పెన్సిలైనా ఉపయోగించవచ్చు బొమ్మయినా గీయవచ్చు ముద్రయిన గుద్దవచ్చు పువ్వుగా మలచవచ్చు పడవగా మార్చవచ్చు ఊహలను తెలుపవచ్చు మదులను విప్పవచ్చు కథను రచించవచ్చు కైతను లిఖించవచ్చు తెలివి లేనిదాన్ని చెప్పినవి వినేదాన్ని గుండ్లపల్లి రాజేంద్రప్రసాద్, భాగ్యనగరం నిన్నరాత్రి కలలోకి వచ్చింది తెల్లకాగితం నిదుర పోనివ్వక లెమ్మంది తెల్లకాగితం కమ్మని కవితని కూర్చమంది తెల్లకాగితం కలాన్ని పట్టమని పదేపదేకోరింది తెల్లకాగితం దానికి పర్యావసానం ఈకవిత తెల్లకాగితస్వగతం

 బాలల్లారా! బాలల్లారా భావీభారత పౌరుల్లారా బుజ్జాయిల్లారా బుజిబుజినడకల పిల్లల్లారా బుడతల్లారా బంగరు బొమ్మల్లారా పసికూనల్లారా బడికెళ్ళే విద్యార్ధుల్లారా బడికి నిత్యము విధిగా వెళ్ళండిరా బంగరు భవితకు బాటలు వెయ్యండిరా అమ్మానాన్నకు ముద్దులు పెట్టండిరా ముద్దుముద్దుగా మాటలు చెప్పండిరా బుద్ధులు చక్కగ నేర్వండిరా సుద్దులు చాలా చదవండిరా అందరితో ప్రీతిగ పలకండిరా జీవితంలో నీతిగ బ్రతకండిరా మీరక పెద్దలమాటలు వినండిరా తప్పక గురువులును గౌరవించండిరా పాఠశాలలో ప్రావీణ్యత పొందండిరా పోటీపరీక్షల్లో ప్రతిభను చాటండిరా భవిష్యత్తు మీదిరా జీవితములు మీవిరా ఉన్నతస్థితికి చేరండిరా అభివృద్ధిని సాధించండిరా గుండ్లపల్లి రాజేంద్రప్రసాద్, భాగ్యనగరం 🌷🌷🌷🌷🌷అందరికి బాలల దినోత్సవ శుభాకాంక్షలు🌷🌷🌷🌷🌷

 ఓ మేఘమాలా! కదులూ కదులూ కదులూ మేఘామాలా కదులూ కప్పూ కప్పూ కప్పూ నింగినినిండుగ కప్పూ  చల్లూ చల్లూ చల్లూ వానా చుక్కలు చల్లూ  జల్లూ జల్లూ జల్లూ వానాజల్లూ జల్లూ కురువూ కురువూ కురువూ వానలు వసుధన కురువూ తడుపూ తడుపూ తడుపూ నేలలు పదునుగ తడుపూ తొలగూ తొలగూ తొలగూ క్షామం పూర్తిగ తొలగూ పెరుగూ పెరుగూ పెరుగూ  మొక్కలు పొలాల పెరుగూ  తొడుగూ తొడుగూ తొడుగూ ఆకులు పచ్చగ తొడుగూ వచ్చూ వచ్చూ వచ్చూ  చెట్లకు కొమ్మలు వచ్చూ  పూయూ పూయూ పూయూ మొగ్గలు దండిగ పూయూ కాచూ కాచూ కాచూ పిందెలు మెండుగ కాచూ పండూ పండూ పండూ పంటలు పుష్టిగ పండూ చేర్చూ చేర్చూ చేర్చూ ఇళ్ళకు పంటలు చేర్చూ కూర్చూ కూర్చూ కూర్చూ  పైసల పేరిమి కూర్చూ  వెలుగూ వెలుగూ వెలుగూ రైతుల మోములు వెలుగూ చేతుం చేతుం చేతుం మొయిలుకు పూజలు చేతుం సర్వులకుకలుగు క్షేమం సుఖినోభవంతు లోకం గుండ్లపల్లి రాజేంద్రప్రసాద్, భాగ్యనగరం

 మాటల తికమకలు మాటలను తికమకచేస్తా తికమకను మాటలుచేస్తా పువ్వులకు నవ్వులిస్తా నవ్వులకు పువ్వులిస్తా అందాలను ఆనందముచేస్తా ఆనందాలను ఆందముచేస్తా మోములకు వెలుగులిస్తా వెలుగులకు మోములనిస్తా కవితలకు కమ్మదనమిస్తా కమ్మదనానికి కవితలనిస్తా అక్షరాలకు పదాలనిస్తా పదాలకు అక్షరాలనిస్తా కలానికి కాగితమిస్తా కాగితానికి కలమునిస్తా పలుకులకు పెదవులిస్తా పెదవులకు పలుకులిస్తా తెలుగుకు తీయదనమిస్తా తీయదనానికి తెలుగునిస్తా నిత్యము కైతలువ్రాస్తా కైతలను నిత్యముచేస్తా కవితని కవ్విస్తా కవ్వింపులను కవితకిస్తా కథను కంచికిపంపుతా కంచిని కథకెక్కిస్తా గుండ్లపల్లి రాజేంద్రప్రసాద్, భాగ్యనగరం

 దీపావళినాడు బాలుడను అవుతా బాంబులు ప్రేలుస్తా పటాసులు కాలుస్తా పండుగను చేసుకుంటా తోరణము కడతా సన్నాయిని వాయిస్తా అమ్మలక్ష్మిని ఆరాధిస్తా కరుణచూపి కావుమంటా పద్మవాసిని పూజిస్తా ప్రదక్షణలు పలుచేస్తా పొంగలి పెడతా ప్రసాదాన్ని పంచుతా గళమెత్తి గంతులేస్తా శివమెత్తి చిందులేస్తా ఆటలు ఆడుతా పాటలు పాడుతా నవ్వులు చిందుతా మోములు వెలిగిస్తా దీపాలు అంటిస్తా కాంతులు వెదజల్లిస్తా బుడకలు వదులుతా రంగులు చల్లుతా రేయిని పగలుచేస్తా తిమిరాన్ని తరిమేస్తా అతిధులను ఆహ్వానిస్తా ఆనందమును అందించుతా కలమును పడతా కవితను కూరుస్తా శ్రీలక్ష్మిని రమ్మంటా సిరులనిచ్చి పొమ్మంటా గుండ్లపల్లి రాజేంద్రప్రసాద్, భాగ్యనగరం 🌷🌷🌷🌷🌷అందరికి దీపావళి శుభాకాంక్షలు🌷🌷🌷🌷🌷

 నా కోరికలు అందాలను చూస్తే ఆస్వాదించాలనే కోరిక మిఠాయిలు చూస్తే మ్రింగాలనే కోరిక బిస్కత్తులు చూస్తే బొక్కాలనే కోరిక పరమాన్నం చూస్తే పుచ్చుకోవాలనే కోరిక పువ్వులను చూస్తే పరికించాలనే కోరిక పరిమళాలు వీస్తే పీల్చాలనే కోరిక నగుమోములను చూస్తే సరితూగాలనే కోరిక కొండను చూస్తే శిఖరమెక్కాలనే కోరిక జాబిలిని చూస్తే జతతెచ్చుకోవాలనే కోరిక వెన్నెలను చూస్తే విహరించాలనే కోరిక మబ్బులను చూస్తే మింటికెళ్ళాలనే కోరిక తారకలను చూస్తే తళతళలాడాలనే కోరిక హరివిల్లును చూస్తే రంగులుచూడాలనే కోరిక పక్షిని చూస్తే ఎగరాలనే కోరిక కడలిని కంటే కెరటాలపైతేలాలనే కోరిక ప్రకృతిని చూస్తే పరవశించిపోవాలనే కోరిక కలమును చూస్తే కాగితాలపైచెక్కాలనే కోరిక అక్షరాలను చూస్తే కైతలల్లాలనే కోరిక పదాలను చూస్తే ప్రయోగించాలనే కోరిక కలలు కంటున్నాను కల్లలు కాకూడదనుకుంటున్నాను కన్నీరు కార్చను పన్నీరు చల్లుతాను కోర్కెలు  తీర్చుకుంటాను అవకాశాలు వాడుకుంటాను లక్ష్యాలను సాధిస్తాను జీవితమును సఫలంచేసుకుంటాను గుండ్లపల్లి రాజేంద్రప్రసాద్, భాగ్యనగరం

 అందాలజాబిల్లి అందచందాలచంద్రుడు అందరికిమామయతడు వన్నెచిన్నెలున్నవాడు వెన్నెలనువిసురువాడు నీలిగగనమెక్కువాడు నింగిలోననిలుచువాడు ప్రేమజ్వాలరగిలించువాడు ప్రియరాగాలుపలికించువాడు అశ్వినితో మాసయాత్రమొదలెట్టువాడు రేవతితో నెలపయనముముగించువాడు పగలు సేదతీరువాడు రాత్రులు రాసక్రీడలాడువాడు శుక్లపక్షాన పెరుగుతాడు కృష్ణపక్షాన తరుగుతాడు అమవాస్యనాడు అసలే కనపడడు పౌర్ణమిరోజు పూర్తిగా వెలుగుతాడు నల్లమచ్చలున్నా తెల్లగానుంటాడు చల్లనివెన్నెలను చల్లుతూయుంటాడు మనసులను మురిపిస్తుంటాడు తనువులను తృప్తిపరుస్తుంటాడు చంటిపిల్లలను ఆడిస్తుంటాడు యువతియువకులను పాడిస్తుంటాడు మబ్బులతో దోబూచులాడుతాడు తారకలతో సయ్యాటలాడుతాడు నీటిలో ప్రతిబింబిస్తుంటాడు చెట్లలో తొంగిచూస్తుంటాడు పగలు దాగుకుంటాడు రాత్రిల్లు కనబడిపోతుంటాడు భూమిచుట్టూ తిరుగుతుంటాడు సూర్యునుచుట్టూ భ్రమిస్తుంటాడు ఈకవనము మీకానందమునిస్తే నాలక్ష్యము నిండుగానెరవెరినట్లే ఈకవిత మీమదులతడితే నాశ్రమ ఫలించినట్లే భావకవిగా భుజాలెగరేస్తా తెలుగుకవిగా తేనెనుచిందిస్తా గుండ్లపల్లి రాజేంద్రప్రసాద్, భాగ్యనగరం

 నేను నువ్వు  ఎవరివంటే   నేను ఏమనిచెప్పను? మనసును నేను మనిషిని నేను ఇంద్రుడను కాను  చంద్రుడను కాను  రవిని కాను భువిని కాను ఆకాశాన్ని కాను అంభోనిధిని కాను  తృణమును కాను పణమును కాను పశువును కాను పక్షిని కాను రాయిని కాను  రప్పను కాను  మోడును కాను  బీడును కాను  చెట్టును కాను  పుట్టను కాను  కొండను కాను  కోనను కాను  మానును కాను  మాకును కాను  అక్షరాలను నేను పదాలను నేను వెలుగును నేను వెన్నెలను నేను పువ్వును నేను పరిమళమును నేను నవ్వును  నేను మోమును నేను కలమును నేను కల్పనను నేను భావమును నేను శ్రావ్యమును నేను శిల్పమును నేను శైలిని నేను అందమును నేను ఆనందమును నేను కవిని నేను కవితని నేను దీపం వెలిగిస్తా సందేహం తొలిగిస్తా మదిని తట్టుతా మేనుని ముట్టుతా కనిపించక వినిపిస్తా కమ్మనికైతల విందునిస్తా గుండ్లపల్లి రాజేంద్రప్రసాద్, భాగ్యనగరం

 ఓ ప్రియా! నీ చూపు తాకింది నా మేను మురిసింది నీ రూపు సోకింది నా మోము వెలిగింది నీ కళ్ళు మెరిసాయి నా కళ్ళు కులికాయి నీ నవ్వు చూశాను నేను నన్ను మరిచాను నీ పలుకు విన్నాను నా పెదవి విప్పాను నీ సొగసు పిలిచింది నా మనసు కులికింది నీ స్పర్శ తగిలింది నా తనువు తరించింది నీ తళుకు అదిరింది నాకు వలపు పుట్టింది నీ చేయి పడతాను నీకు తాళి కడతాను నీ తోడుగ ఉంటాను నీ వాడిని అవుతాను గుండ్లపల్లి రాజేంద్రప్రసాద్, భాగ్యనగరం

 వానకురిసినరోజు వచ్చింది వానాకాలము తెరిచింది నేలనోరును లేచాయి కారుమబ్బులు వచ్చాయి చేతికిగొడుగులు పడ్డాయి చిటపటచినుకులు పారాయి వాగులువంకలు ఉరిమాయి నింగిన ఉరుములు మెరిశాయి గగనాన మెరుపులు కూడారు బయటనపిల్లలు వేశారు కాగితపుపడవులు ఆడారు వీధులందు పాడారు వానపాటలు నిండాయి చెరువులుకుంటలు అరిచాయి బెకబెకాకప్పలు వీచాయి చల్లనిగాలులు ఇచ్చాయి సుఖసంతోషాలు ఇచ్చింది వ్రాయుటకువిషయం కుదిరింది కమ్మనికవనం గుండ్లపల్లి రాజేంద్రప్రసాద్, భాగ్యనగరం

 ఓ వానదేవుడా! వానదేవుడా! భువినుండిదిగిరారా భూమిపైకిరారా బాగోగులుచూడరా మావూరుకు రారా మావెతలను కనరా పోలేరమ్మయున్న పల్లెమాదిరా గోపాలుడున్న గ్రామముమాదిరా నల్లరేగడులున్న నేలమాదిరా తెల్లపొలాలున్న తావుమాదిరా వాగుయున్న ఊరుమాదిరా ఏరుపారే చోటుమాదిరా మాజనులు  మంచితనమున్నవారురా మాప్రజలు మానవత్వముచూపువారురా వానలులేక వ్యధచెందుతున్నారురా పనులులేక పరితపిస్తున్నారురా కర్షకులబాధలు కనరా కూలీలకష్టాలు వినరా ఉరుములు వినిపించరా మెరుపులు చూపించరా మొయిలును  లేపరా ముసురును కురిపించరా మన్నును తడపరా మొక్కలు మొలిపించరా పంటలు పండించరా ప్రజలను కాపాడరా చెరువులు నింపరా చేపలు పెంచరా గడ్డిని మొలిపించరా పశువుల బ్రతికించరా చిటపటచినుకులు రాల్చరా గలగలనీరును  పారించరా జడివానను కురిపించరా జనపదులను ఉద్ధరించరా వానదేవుడా లేవరా కుంభవృష్టిని కురిపించరా కష్టాలు  తీర్చరా పూజలను అందుకోరా వానదేవుడికి వందనాలుచెబుతా వాననీటికి స్వాగతంపలుకుతా గుండ్లపల్లి రాజేంద్రప్రసాద్

 కవనతతంగాలు అనువైనచోటుకు స్వయంగా వెళ్తా అనుభూతులను శిరానికి ఎక్కిస్తా అందాలకడకు కళ్ళను పంపుతా కాంచినదృశ్యాలను బుర్రలో భద్రపరుస్తా అవగాహనలేనితావుకు మనసును పొమ్మంటా తట్టినవిషయాలను శిరస్సులో నిలువచేస్తా అవలోకించవలసిననెలవుకు చెవులను సాగనంపుతా విన్నకబుర్లును మస్తిష్కంలో దాచుకుంటా రహస్యస్థావరాలకు గూఢచారులను వెళ్ళిరమ్మంటా వివరించినవిశేషాలను నెత్తిలో పెట్టుకుంటా మనసును చిలుకుతా వెన్నను బయటకుతీస్తా అక్షరాలకు అలుకుతా పదాలకు పులుముతా కవనము కొనసాగిస్తా కైతలను కూరుస్తా పుటలకు ఎక్కిస్తా పుస్తకాలు కుట్టిస్తా పాఠకులకు పంపుతా పరవశముము పంచుతా గుండ్లపల్లి రాజేంద్రప్రసాద్, భాగ్యనగరం

 కుసుమాలు కవితలు విరులు విచ్చుకుంటున్నాయి పొంకాలు పరవశపరుస్తున్నాయి తేటులు తేనెనుక్రోలుతున్నాయి సౌరభాలు చుట్టూవ్యాపిస్తున్నాయి మస్తిష్కాలు ముచ్చటపడుతున్నాయి కుసుమాలు కాంతలకొప్పులెక్కుతున్నాయి కవులను కవ్వించుతున్నాయి కలాలను కదిలించుతున్నాయి కవితలను కూర్పించుతున్నాయి మనసులను మురిపించుతున్నాయి కుసుమాలను చూడండి అందాలు కాంచండి కైతలను చదవండి ఆనందమును పొందండి గుండ్లపల్లి రాజేంద్రప్రసాద్, భాగ్యనగరం