ఆడదే ఆధారం ఓ అమ్మాయి పుట్టిందంటే ఓ ఇంటికి సహనవతి వచ్చినట్లే ఓ బాలిక జనించిందంటే ఓ వీడుకి లక్ష్మీదేవి ప్రవేశించినట్లే ఓ చిన్నది ఉద్భవించిందంటే ఓ ఇల్లాలు ఒకగృహానికి లభించినట్లే ఓ పిల్ల భూమిమీదపడిందంటే ఓ కుటీరంలో ప్రేమాభిమానాలు పొంగిపొర్లినట్లే ఓ గుంట నేలమీదకి దిగిందంటే ఓ కొంపకు త్యాగమూర్తి ఏతెంచినట్లే ఓ పోరి ప్రసవించబడిందంటే ఓ కుటుంబానికి సుఖసంతోషాలు సమకూరినట్లే ఓ అమ్మడు గర్భంనుండ్ది బయటకొస్తే ఓ నివాసానికి మంచిఘడియలు చేకూరినట్లే ఓ పాప పుడమికి అరుదెంచిందంటే ఓ లోగిలిని ఒకపుణ్యవంతురాలు పావనంచేసినట్లే ఓ వనిత అవతరించిందంటే ఓ వంశోద్ధకురాలు ఒకనివేశానికి దక్కినట్లే మహికి మగువలే మూలాధారం మకరందం సౌందర్యం సంతోషం సౌహార్ధం సౌభాగ్యం గుండ్లపల్లి రాజేంద్రప్రసాద్, భాగ్యనగరం
