కవితాజల్లులు విచిత్రాలు చూపనా వినోదము కలిగించనా విస్మయము కొల్పనా వినువీధిన విహరింపజేయనా కొత్తదనాలు కుమ్మరించనా కమ్మదనాలు క్రోలమందునా వయ్యారాలు వర్ణించనా సింగారాలు చూపించనా మాటలు చెప్పనా మనసులు దోచనా మల్లెలు విసరనా మత్తునందు ముంచనా భావాలు పారించనా భ్రమలందు తేలించనా తేనెబొట్లు చల్లనా అమృతచుక్కలు చిందనా పువ్వులు చేతికివ్వనా నవ్వులు చిందించనా కలాలు కదిలించనా కవనాలు సృష్టించనా కవితలు చదివించనా మోములు వెలిగించనా అక్షరాలవిందు ఇవ్వనా ఆకలిదప్పులు తీర్చనా పదాలపరిమళాలు ప్రసరించనా పెదాలపలుకులు పారింపజేయనా పలుప్రక్రియలు పరిచయంచేయనా సాహిత్యమును పరిచయంచేయనా కవితాజ్వాలలు రగిలించనా కవితాలోకమందు సంచరింపజేయనా కవితాజల్లులు కురిపించనా కవనప్రవాహమును కొనసాగించనా గుండ్లపల్లి రాజేంద్రప్రసాద్, భాగ్యనగరం
Posts
ప్రణతోస్మి దివాకరం ప్రభాకరుడే ప్రత్యక్షదైవం అంబుజుడే అందరికారాధ్యం నిత్యోదయమే నగపతికర్తవ్యం మేలుకొలపటమే మర్కునిమొదటికార్యం నీటినావిరిచేయటమే నిశాకరునభిష్టం వానలుకురిపించటమే విభాకరునిలక్ష్యం మొక్కలుపెంచటమే మృగధరునిమనోవాంఛితం పుడమినిపచ్చబరచటమే పాలస్త్యునిపరమానందం పూలుపూయించటమే పక్షజునభిమతం కాయలుకాయించటమే కమలాప్తునుద్దేశ్యం ప్రకృతినిచూపటమే పౌలస్త్యునిపరమార్ధం పరవశపరచటమే పూర్ణమసుడిప్రయత్నం అందాలుచూపటమే ఆత్రేయునికిష్టకామం ఆనందపరచటానికే అంబుజునికారాటం భూసంచారమే భానుడికిప్రీతికరం భూలోకవాసులక్షేమమే భాసంతునికారాటం సూర్యదేవునికి స్వాగతంపలుకుదాం నిత్యం విభాకరునికి వందనాలుసమర్పిద్దాం ప్రతిదినం రవిని రంజింపచేయమందాం కవిని కవ్వింపచేయమందాం గుండ్లపల్లి రాజేంద్రప్రసాద్, భాగ్యనగరం
కవితలలో......... ఆవంతయినా ఆకర్షణ ఉండాలి రవంతయినా రమ్యత ఉండాలి పిసరంతయినా పటిమ ఉండాలి పిడికడంతయిన ప్రతిభ ఉండాలి ఇసుమంతయినా ఇంపు ఉండాలి కొంతగానయినా కొత్తదనం ఉండాలి కాసింతయినా కమ్మదనం ఉండాలి చిటికడంతయినా చమత్కారం ఉండాలి బుల్లంతయిన విషయంలో బలముండాలి లవమంతయినా భావంలో బరువుండాలి కీసంతయినా అక్షరాలకూర్పులోబాగు ఉండాలి మినుకంతయినా పదాలపేర్పులోనేర్పు ఉండాలి అల్పంగానయినా ఆలోచింపచేసేలా ఉండాలి స్వల్పంగానయినా సరదాకొలిపేలా ఉండాలి తక్కువుగానయినా తృప్తిపరిచేలా ఉండాలి తిబిరింతయినా తట్టిలేపేలా ఉండాలి కొలదిగానయినా కల్పితాలు ఉండాలి కొద్దిగానయినా కైపిచ్చేలా ఉండాలి ఇంచుకయినా ఇంగితం ఉండాలి నలుసంతయిన నాణ్యత ఉండాలి ఒక్కింతయినా తీయదనం ఉండాలి గోరంతయినా గొప్పదనం ఉండాలి పల్లెత్తయినా పకపకలాడించాలి కించెత్తయినా కితకితపరచాలి అన్నీకలిపి అద్భుతంగా తీర్చిదిద్దాడనుకోవాలి కవిని అంతాసంతసిల్లి అంతరంగాన నిలుపుకోవాలి కవితని అందరూచదివి ఆనందపరవశులు కావాలి కవితకి అంతాస్పందించి అభినందనలు అందించాలి కవికి గుండ్లపల్లి రాజేంద్రప్రసాద్, భాగ్యనగరం
జీవితచక్రం వసంతం వస్తుంది పోతుంది కింకిరం కూస్తుంది కనుమరగువుతుంది కాలం తిరుగుతుంది పరుగెత్తుతుంది ప్రాయం పెరుగుతుంది పైనబడుతుంది బాల్యం ఆడిస్తుంది పాడిస్తుంది యవ్వనం విఙ్ఞానాన్నిస్తుంది వన్నెలుచిందిస్తుంది కౌమారం కవ్విస్తుంది కోర్కెలులేపుతుంది వృధ్యాప్యం వెంటబడుతుంది వేధిస్తుంది జననం సంభవిస్తుంది సంతసపరుస్తుంది మరణం కబళిస్తుంది మట్టిలోకలుపుతుంది స్నేహం కుదుటపరుస్తుంది కుతూహలపరుస్తుంది ద్వేషం బాధిస్తుంది భయపెడుతుంది పెళ్ళాం జతకొస్తుంది అండనిస్తుంది సంతానం ఇంటకలుగుతుంది ఇంపునిస్తుంది ప్రాణం కొట్టుకుంటుంది గాలిలోకలుస్తుంది కాయం కుళ్ళుతుంది కాలుతుంది సమాజం అవకాశాలిస్తుంది ఆదరిస్తుంది జీవితం పండుతుంది రాలుతుంది లోకం అజరామరం అనంతం జీవితం క్షణభంగురం కాలబద్ధం దీపం ఉండగానే ఇల్లుచక్కబెట్టుకో ప్రాణం ఉండగానే బాధ్యతలుతీర్చుకో శాశ్వతం ఏదీకాదని తెలిసినడచుకో సొంతం ఏవీకావని ఎరిగిమసలుకో గుండ్లపల్లి రాజేంద్రప్రసాద్, భాగ్యనగరం
మంచిమాటలు వేలుపెట్టకు పరుల వ్యవహారాల్లో ధూషణలకు గురికావచ్చు దెబ్బలను తినవచ్చు జోక్యంచేసుకోకు అనవసరపు విషయాల్లో దొరికి పోవచ్చు దోషివి కావచ్చు అడ్డదారులు తొక్కవద్దు అపనిందలబారిన పడవద్దు అప్రతిష్టపాలు కావద్దు ప్రేలకు వ్యర్ధ ప్రలాపనలు నోటిదూలను తీర్చాలనుకోకు వదరుబోతువు కాకు కూల్చకు పచ్చని సంసారాలు పాపాలు మూటకట్టుకోకు దుష్టుడవని అనిపించుకోకు ఈదకు ఏటిప్రవాహానికి ఎదురు ప్రమాదాలు కొనితెచ్చుకోకు ప్రాణానికి ముప్పుతెచ్చుకోకు చేయకు చెడ్డ పనులు చిల్లర చేష్టలు చీకటి కార్యాలు వినుము మంచి మాటలు పెద్దల హితాలు పండితుల సూక్తులు గుండ్లపల్లి రాజేంద్రప్రసాద్, భాగ్యనగరం
నీ జీవితం నీ ఇష్టం ఆకాశానికి ఎగురుతావో పాతాళానికి జారుతావో నీ ఇష్టం పూలబాటన పయనిస్తావో ముళ్ళదారిన నడుస్తావో నీ ఇష్టం ముందుకు వెళతావో వెనుకకు మళ్ళుతావో నీ ఇష్టం వెలుగులు వెదజల్లుతావో చీకట్లు చిమ్ముతావో నీ ఇష్టం శిఖరాన్ని ఎక్కుతావో లోయలోకి దిగుతావో నీ ఇష్టం పల్లకిలో తిరుగుతావో బోయీవై మోస్తావో నీ ఇష్టం ఉయ్యాలనెక్కి ఊగుతావో జంపాలనుపట్టి ఊపుతావో నీ ఇష్టం అవకాశాలను వాడుకుంటావో అందినవాటిని వదులుకుంటావో నీ ఇష్టం రత్నాలను ఏరుకుంటావో రాళ్ళతట్టను ఎత్తుకుంటావో నీ ఇష్టం తలరాతలను మార్చుతావో నీటిరాతలను నమ్ముతావో నీ ఇష్టం లాభాలను పొందుతావో నష్టాలను భరిస్తావో నీ ఇష్టం అందాలను ఆస్వాదిస్తావో ఆనందాలను అనుభవిస్తావో నీ ఇష్టం నీ తెలివి నీ తలలోనే ఉన్నది నీ కలిమి నీ చేతలలోనే ఉన్నది నీ భవిత నీ చేతిలోనే ఉన్నది నీ ఘనత నీ చేష్టలలోనే ఉన్నది ఆలశ్యంచేస్తే అమృతమవుతుంది విషం తక్షణమే ఆరంభించు నీ ప్రయత్నం నిన్ను నమ్ముకోవటము నీకు అవసరం నిన్ను ఉద్ధరించుకోవటం నీకు ముఖ్యం నీ కోసం నువ్వు శ్రమించు నీ ఆశయం నువ్వు సాధించు నీ జీవితం నీ ఇష్టానుసారం ...
మాటలు మాటలు తేనెచుక్కలుచిమ్మాలి మాటలు మల్లెపూలనుచల్లాలి మాటలు మదులనుతట్టాలి మాటలు తేటతెలుగునుతలపించాలి మాటలు కాంతికిరణాలువెదజల్లాలి మాటలు మూతులకుమాధుర్యమందించాలి మాటలు కడుపులునింపాలి మాటలు శ్రావ్యతచేకూర్చాలి మాటలు మమకారాన్నిపెంచాలి మాటలు నమ్మకాన్నికలిగించాలి నోరుతెరిచేటపుడు జాగ్రత్తగుండాలి నోరుజారకుండా కట్టడిచేస్తుండాలి గుండ్లపల్లి రాజేంద్రప్రసాద్, భాగ్యనగరం
మాటలు మాటలు తేనెచుక్కలుచిమ్మాలి మాటలు మల్లెపూలనుచల్లాలి మాటలు మదులనుతట్టాలి మాటలు తేటతెలుగునుతలపించాలి మాటలు కాంతికిరణాలువెదజల్లాలి మాటలు మూతులకుమాధుర్యమందించాలి మాటలు కడుపులునింపాలి మాటలు శ్రావ్యతచేకూర్చాలి మాటలు మమకారాన్నిపెంచాలి మాటలు నమ్మకాన్నికలిగించాలి నోరుతెరిచేటపుడు జాగ్రత్తగుండాలి నోరుజారకుండా కట్టడిచేస్తుండాలి గుండ్లపల్లి రాజేంద్రప్రసాద్, భాగ్యనగరం
కాలిఫోర్నియా వీక్షణం 150వ అంతర్జాల సమావేశంలో ప్రత్యేక కవిత్వ సంచిక ఆవిష్కరణ **************************************************************** నేడు 22-02-2025వ తేదీన జరిగిన నెలవారి కాలిఫోర్నియా వీక్షణం 150వ అంతర్జాల సమావేశంలో సుప్రసిద్ధ కవి, విమర్శకులు శ్రీ నాళేశ్వరం శంకరం గారు 150 మంది కవుల 150 కవితల ప్రత్యేక సంచికను ఆవిష్కరించారు. ప్రత్యేక సంచిక అద్భుతంగా ఉన్నదని, కవితలు చాలా గొప్పగా ఉన్నవని ప్రశంచించారు. 150 కవులలో 53 మంది మహిళలు ఉండటం, 42 మంది కవులు అపార అనుభవము ప్రతిభ ఉన్న కవులు ఉండటం గర్వించదగ్గ విషయమని చెప్పారు. వీక్షణం స్థాపించి 12 సంవత్సరాల నుండి అప్రతిహతంగా సాగుతున్నదని, అందుకు సహకరించిన కవులకు ధన్యవాదాలు తెలిపారు. వీక్షణం భారతీయ ప్రతినిధి గుండ్లపల్లి రాజేంద్రప్రసాద్ అతిధులకు, కవులకు స్వాగతం పలికి, సహకరిస్తున్నందుకు ధన్యవాదాలు తెలిపారు. పిమ్మట కవి, రచయిత, వ్యాసకర్త, ఉపన్యాసకుడు, వ్యాఖ్యాత, నటుడు, దర్శకుడు డాక్టర్ కె.జి.వేణు గారు పుస్తకంలోని పెక్కు కవితలపై చక్కని సమీక్ష చేసి అందరిని అలరించారు. వివిధ కవుల కవితలను చదివి, విశ్లేషించి శ్రోతలను ఆకట్టుకున్నారు. డాక్టర్ వేణు...
నేటికవనాలు సమాలోచనలు కవితలు కుప్పలతెప్పలుగా వెలువడుతున్నాయి కవులు ఇబ్బడిముబ్బడిగా పుట్టకొస్తున్నారు పత్రికలు పెక్కురాతలను ప్రచురిస్తున్నాయి కవులకుబిరుదులు వివిధసంస్థలు ఇస్తున్నాయి కవిసమ్మేళనాలు పలుప్రదేశాలలో జరుగుతున్నాయి కవిసన్మానాలు విరివిగా జరుగుతున్నాయి యువకవులు రోజురోజూ పెరుగుతున్నారు మహిళాకవులు పెద్దసంఖ్యలో ప్రవేశిస్తున్నారు కవితలలో తాళులేకుండా ధాన్యముండెలాచూడాలి కవనాలలో ఓడువిలేకుండా గట్టివియుండేలాచూడాలి కైతలలో పొట్టులేకుండా గింజలుండేలాచూడాలి కయితలలో వ్యర్ధాలులేకుండా అర్ధాలుండేలాచూడాలి పుస్తకావిష్కరణలు పలుచోట్లా చేయబడుతున్నాయి కవితలకు దిశయుండాలి మార్గనిర్దేశముండాలి కయితలు పాఠకులను ఆకట్టుకొనేలాగుండాలి కవనాలు చదువరులు ఙ్ఞాపకంపెట్టుకొనేలాగుండాలి రాతలలో నూతనత్వముండాలి వస్తువైవిధ్యముండాలి అక్షరాలలో కువకువలుండాలి కళకళలుండాలి అప్పుడే సాహిత్యానికి వృష్టి పరిపుష్టి ఆనాడే వాణీదేవికి హారతి ప్రఖ్యాతి గుండ్లపల్లి రాజేంద్రప్రసాద్, భాగ్యనగరం
అమ్ముంటేచాలు అదేపదివేలు ఇంద్రధనస్సు వద్దు సప్తవర్ణాలు వద్దు సూర్యునికిరణాలు వద్దు అరుణోదయము వద్దు చంద్రునివెన్నెల వద్దు చల్లదనమును వద్దు మేఘాల ఉరుములు వద్దు మింటిన మెరుపులు వద్దు బుగ్గలసిగ్గులు వద్దు మోములనవ్వులు వద్దు తేనెతీపియు వద్దు కోకిలగానము వద్దు అమ్మ చెంతుంటేచాలు ప్రేమ కురిపిస్తేచాలు అమ్మ తాకితేచాలు జోలపాట పాడితేచాలు అమ్మ తినిపిస్తేచాలు కడుపు నింపితేచాలు అమ్మ ప్రక్కనుంటేచాలు రక్షణ కలిపిస్తేచాలు అదేపదివేలు గండ్లపల్లి రాజేంద్రప్రసాద్, భాగ్యనగరం
కవితను నేను కవి మనసు పొంగును కవి తలపుల రూపమును కవి తోటనందు పూచినపువ్వును కవి కల్పనల ఊహాచిత్రమును కవి చల్లిన వెలుగును కవి కూర్చిన కమ్మదనమును కవి వండిన పంచభక్ష్యాలను కవి అల్లిన పూమాలను కవి కురిపించన అక్షరజల్లును కవి చల్లిన సుమసౌరభమును కవి పండించిన పంటను కవి సృష్టించిన సంపదను కవి భావనలకు అడ్డమును పాఠకుల మదులకు గాలమును కవి కష్టముకు ఫలమును కవి ఇష్టముకు ప్రతిబింబమును కవి వదిలిన బాణమును కవి చల్లిన తేనేచుక్కలను కవి పెదవుల సుధను కవి నోటి వాక్కును గుండ్లపల్లి రాజేంద్రప్రసాద్, భాగ్యనగరం
కవిగారి గారడీలు కిటుకులు తడితే కవితలు ఒలికిస్తాడు కవి తలపులు ప్రవహిస్తే కైతలు పారిస్తాడు కవి మెరుపులు కనబడితే కవనాలు వెలువరిస్తాడు కవి చెమక్కులు అందితే చక్కనివ్రాతలు సృష్టిస్తాడు కవి అందాలు అగుపించితే అక్షరకూర్పులు చేస్తాడు కవి ఎత్తుగడలు దొరకితే పసందుపంక్తిని ప్రారంభిస్తాడు కవి విషయము లభిస్తే వస్తువును కొనసాగిస్తాడు కవి ముగింపు చిక్కితే కయితలను పతాకస్థాయికిచేరుస్తాడు కవి కలాలు కదలితే కమ్మనికయితములు కుమ్మరిస్తాడు కవి పుటలు నిండితే కవిత్వమును పాఠకులకుచేర్చుతాడు కవి కవనతీగ చిక్కితే దొంకనులాగుతాడు కవి కవితాదారి కనిపిస్తే సాహితీలోకానికితీసుకెళతాడు కవి గుండ్లపల్లి రాజేంద్రపసాద్, భాగ్యనగరం
మనతెలుగు కర్పూరంలా హారతులనివ్వాలి కొవ్వొత్తిలా కాంతులచిందాలి సూర్యునిలా ప్రకాశించాలి చంద్రునిలా వెన్నెలచల్లాలి దీపంలా ప్రభవించాలి తారకలా తళతళలాడాలి మెరుపులా వెలుగులుచిమ్మాలి హరివిల్లులా రంగులుచూపాలి శిశువులా మురిపించాలి అమ్మలా లాలించాలి పువ్వులా వికసించాలి నవ్వులా సంతసపరచాలి వానలా చినుకలుచల్లాలి తేనెలా పలుకులుచిందాలి రాస్తే రమ్యత ఉండాలి పాడితే శ్రావ్యత ఉండాలి కూరిస్తే లయబద్ధత ఉండాలి పఠిస్తే ప్రాముఖ్యత ఉండాలి తెలుగు తేటగుండాలి వెలుగు చిమ్ముతుండాలి తెలుగుకు వందనాలు తెలుగోళ్ళకు అభివందనాలు మనకవులకు స్వాగతము మనకవితలకు ఆగ్రతాంబూలము గుండ్లపల్లి రాజేంద్రప్రసాద్, భాగ్యనగరం
ఆలశ్యమయితే అమృతం విషమవుతుందా! కాయ పండకముందే నోరూరించటం ఎందుకనో తక్షణం తినాలనే కోరికకలగటం ఎందుకనో వసంతకాలం రాకుండానే కోకిలకూయలనుకోవటం ఎందుకనో తరుణం రాకముందే సవ్వడిచేయటం ఎందుకనో శరదృతువు రాకముందే పిండివెన్నెలకురవాలనుకోవటం ఎందుకనో సమయం రాకముందే సంబరముచేసుకోవటం ఎందుకనో శ్రావణముహూర్తము రాకముందే వివాహమాడాలనులనుకోవటం ఎందుకనో అందాక వేచియుండకనే విరహవేదనపడటం ఎందుకనో మల్లెపూలు విప్పారకముందే పరిమళాలుచల్లాలనుకోవటం ఎందుకనో మదినిముట్టి మత్తెంకించే మోహనరాగాలువినాలనుకోవటం ఎందుకనో గులాబీలు గుభాలించకముందే గుబులుపుట్టించటం ఎందుకనో గుండెలోగుచ్చి గాయపరిస్తే గందరగోళానికిగురికావటం ఎందుకనో కలలు కనగానే బులపాటంకలగటం ఎందుకనో ఆస్వాదించాలి అనుకోగానే ఆవేశమావరించటం ఎందుకనో ఆలశ్యమయితే అమృతంవిషమవటం ఎందుకనో అడుగువేయగానే అన్నీసమకూరాలనుకోవటం ఎందుకనో గుండ్లపల్లి రాజేంద్రప్రసాద్, భాగ్యనగరం
దీపంజ్యోతి పరబ్రహ్మం చీకటి చెడుకు నివాసస్థలము చీకటి అఙ్ఞానానికి ప్రతిబింబము చీకటి మార్గము అనర్ధకారకము చీకటి వ్యవహారము చెడుకుసంకేతము చీకటి బ్రతుకులు వ్యర్ధము చీకటి పనులు హేయము చీకటి రాజ్యము తొలగించటానికర్హము చీకటిని తరమటము తక్షణకర్తవ్యము చీకటి తస్కరమూకల సమయము చీకటి చాటుమాటుకార్యాల కాలము చీకటి దెయ్యలుసంచరించే తరుణము చీకటి రాక్షతత్వానికి సూచకము ప్రకాశము తరిమేస్తుంది అంధకారము తొలగిస్తుంది అఙ్ఞానము తప్పిస్తుంది దుష్టత్వము దీపముతో సర్వంసాధ్యము దీపియతో శుభంప్రాప్తం కిరణాలతో కలుగు ఉత్సాహము ప్రభలతో చర్యలు ప్రారంభము వెలుగు పరబ్రహ్మము రోచిస్సు పాపనాశకము దివ్వెకు స్వాగతము దీపికకు నమస్కారము గుండ్లపల్లి రాజేంద్రప్రసాద్, భాగ్యనగరం
నా చిరునామా..... నన్ను కనుక్కోవటము చాలా సులభము నన్ను వెతకడము అతి సరళము నన్ను తెలుసుకోవటము కడు సుసాధ్యము నన్ను గుర్తించటము బహు సునాయాసము ఎక్కడ అందముందో అక్కడ నేనుంటా ఎచోట ఆనందముందో ఆచోట నేనగుపడుతుంటా ఎచ్చోట సుభిక్షముందో అచ్చోట నేకాపురముంటా ఎందు సౌరభాలువీస్తున్నాయో అందు నేతిరుగుతుంటా ఏకాడ మాధుర్యమున్నదో ఆకాడ నేతిష్టవేసియుంటా ఏప్రాంతాన నవ్వులున్నాయో ఆప్రాంతాన నేనివాసముంటా ఎందెందు మంచితనమున్నదో అందందు నేనడయాడుతుంటా యత్ర మహిళలుబాగున్నారో తత్ర నేబోధనలుచేస్తుంటా ఎగ్గడ శాంతిసౌఖ్యాలుంటాయో అగ్గడ నేపర్యవేక్షిస్తుంటా ఏస్థానాన తెలుగుందో ఆస్థానాన నేవెలుగుతుంటా ఏడ కవులుసత్కరింపబడుతున్నారో ఆడ నేనుండిప్రోత్సహిస్తుంటా ఎయ్యెడ సాహిత్యమువర్ధిల్లుతుందో అయ్యెడ నేజీవనంసాగిస్తుంటా గుండ్లపల్లి రాజేంద్రప్రసాద్, భాగ్యనగరం
నీ అందం స్వాగతిస్తుంది నీ అందం చేతులు చాచి సంతసపరుస్తుంది నీ అందం మనసును తట్టి కనమంటుంది నీ అందం కళ్ళను పెద్దవిచేసి బంధిస్తుంది నీ అందం చూపును కట్టిపడవేసి ఆస్వాదించమంటుంది నీ అందం తీరేదాక దప్పి నిలుపుకోమంటుంది నీ అందం నిండేవరకు హృది గుబులుపుట్టిస్తుంది నీ అందం గుండెను గుచ్చి సరసాలాడుతుంది నీ అందం సయ్యాటలు ఆడమని మత్తెక్కిస్తుంది నీ అందం మరులు కొలిపి మాయచేస్తుంది నీ అందం బుట్టలో వేసుకొని కాచుకోమంటుంది నీ అందం పరాయిపాలు చేయవద్దని కలలోకొస్తుంది నీ అందం ఎన్నడూ మరచిపోవద్దని చేబట్టమంటుంది నీ అందం అవకాశం సద్వినియోగంచేసుకొని పిలుస్తుంది నీ అందం తోడుగా నిలుచుండిపొమ్మని ప్రేమించమంటుంది నీ అందం జాగుచేయకుండా జల్ది శాశ్వతంచేసుకోమంటుంది నీ అందం పెద్దలముందు పరిణయమాడి వర్ణించమంటుంది నీ అందం విన్నూతనంగా తలచి వెలిగిపోమ్మంటుంది నీ అందం విశిష్టకవిగా మారి పొగడమంటుంది...
కవితాప్రియులారా! మీ పెదవుల కదలికలు ఊహిస్తున్నా మీ చదవటాలు తలచుకుంటున్నా మీ మాటలు వినపడినట్లు భావిస్తున్నా మీ ఆలోచనలు చెలరేగటం తెలుసుకుంటున్నా మీ గళాలు విచ్చుకోవటం వింటున్నా మీ స్పందనలు ఎరిగి సంతసిస్తున్నా మీ మోములవెలుగులు దర్శించుతున్నా మీ మదులను దోచుకోవటం ముఖ్యమనుకుంటున్నా మీ మెప్పులను పొందుతూనే ఉండాలనుకుంటున్నా మీ ప్రోత్సాహానికి ప్రతిస్పందింస్తుండాలని అనుకుంటున్నా మీ అభిమానానికి ధన్యవాదాలు చెబుతూనేయుంటా మీ కోసమే కవితాప్రయాణం కొనసాగిస్తుంటా గుడ్డిగా రాయకూడదనుకుంటున్నా పిచ్చిగా ప్రేలకూడదనుకుంటున్నా వ్యూహత్మకంగా అక్షరాలనల్లాలనుకుంటున్నా పసందుగా పదాలనుకూర్చాలనుకుంటున్నా రుచిగా కవితావంటలు వండాలనుకుంటున్నా కమ్మగా కవనవిందులు వడ్డించాలనుకుంటున్నా గుండ్లపల్లి రాజేంద్రప్రసాద్, భాగ్యనగరం
జీవితంలో.... పువ్వులా బ్రతకాలోయ్ నవ్వులూ చిందాలోయ్ పొంకాలు ప్రదర్శించాలోయ్ పరిమళాలు ప్రసరించాలోయ్ అందాలను ఆలోకింపచేయాలోయ్ ఆనందాలు అందేటట్లుచూడాలోయ్ కాంతులు వెదజల్లాలోయ్ కన్నులు తెరిపించాలోయ్ సుకుమారంగా ఉండాలోయ్ సున్నితంగా మెలగాలోయ్ రమ్యంగా కనిపించాలోయ్ సౌమ్యంగా ప్రవర్తించాలోయ్ రంగులు చూపించాలోయ్ చెంగులు వేయించాలోయ్ హంగులు కలిపించాలోయ్ పొంగులు ప్రదర్శించాలోయ్ సుర్యునిలా కిరణాలు వెదజల్లాలోయ్ జగతినెల్లా జాగృతము చేయాలోయ్ చంద్రునిలా పిండివెన్నెల కురిపించాలోయ్ చల్లదనంతో ప్రాణుల సంబరపరచాలోయ్ ఉయ్యాల ఊగాలోయ్ సయ్యాట ఆడాలోయ్ మకరందము ముట్టచెప్పాలోయ్ మదులను మురిపించాలోయ్ పిందెలు తొడగాలోయ్ ఫలాలు పండించాలోయ్ ప్రకృతిని తలపించాలోయ్ పురుషుడిని పరవశపరచాలోయ్ ఎంతకాలం బ్రతికావని లెక్కకాదోయ్ ఎంతబాగా జీవించావనేది ముఖ్యమోయ్ ఏమిచేసినా ఫలితాలు ఇవ్వాలోయ్ ఎక్కడకేళ్ళినా గు...
సా విరహే తవ దీనా! అడగాలేకానీ ఏమైనా చేస్తా కోరాలేకానీ ఏదైనా ఇస్తా పిలవాలేకాని పరుగునవస్తా చెప్పాలేకాని చెవులప్పగిస్తా ప్రక్కకురమ్మంటే వేంటనేవస్తా తోడుగానిలవమంటే నిలచిపోతా చెప్పింది చేస్తా పెట్టింది తింటా లెమ్మంటే లేచినిలబడతా ఆసీనమాక్రమించమంటే ఎదురుగాకూర్చుంటా ప్రేమిస్తే సంతసిస్తా ద్వేషిస్తే భరిస్తా గొడుకుపట్టమంటే పడతా బరువుమోయమంటే మోస్తా స్వాతిచినుకుకు వేచియున్న ముత్యపుచిప్పను వసంతంకొరకు కాచుకున్న మల్లెపువ్వును విరహవేదనపడుతున్న ఒంటరిపక్షిని వెన్నెలకెదురుచూస్తున్న చకోరపక్షిని కరుణిస్తావో కాటేస్తావో కలలోకొస్తావో కవ్వించుతావో నీ ఇష్టం గుండ్లపల్లి రాజేంద్రప్రసాద్, భాగ్యనగరం
గతఙ్ఞాపకాలు కొన్ని మరచిపోలేము కొన్ని గుర్తించుకోలేము కొన్ని వెంటబడతాయి కూని చెరిపేసుకొనిపోతాయి కూని చీకట్లోచూస్తాము కొన్ని పట్టపగలుదర్శిస్తాము చీకటిపనులు అదృశ్యమవుతాయి పగటిదృశ్యాలు కళ్ళలోనిలిచిపోతాయి కొన్ని తియ్యగుంటాయి కొన్ని చేదుగుంటాయి కొన్ని నచ్చుతాయి కొన్ని వలదంటాయి కొన్ని వరిస్తాయి కొన్ని శపిస్తాయి కొన్ని ప్రేమించమంటాయి కొన్ని ద్వేషించమంటాయి కొన్ని సంతసపరుస్తాయి కొన్ని ఏడిపించుతాయి కొన్ని గంతులేపిస్తాయి కొన్ని కన్నీరుకార్పిస్తాయి కొన్ని చెంతనేవుంటాయి కొన్ని దూరంగావెళ్తాయి కొన్ని పొమ్మన్నాపోవు కొన్ని రమ్మన్నారావు కొన్ని గతాన్ని తవ్వమంటాయి కొన్ని బురదలో పూడ్చిపెట్టమంటాయి కొన్ని కొండశిఖరానికి తెసుకెళతాయి కొన్ని అధోపాతాళానికి తొక్కేస్తాయి కొన్ని గాలిలో ఎగిరిస్తాయి కొన్ని నీటిలో తేలుస్తాయి కొన్ని ఎత్తునుండి పడవేస్తాయి కొన్ని అగాధంలో ముంచేస్తాయి ముగిసిన గతంలో మార్మికత ఉంటుంది తెలియని భవిష్యత్తులో అనిశ్చిత ఉంటుంది గతము మరచిపొమ్మంటుంది భవిత కలలుకనమంటుంది గుండ్లపల్లి రాజేంద్రప్రసాద్, భాగ్యనగరం
నాతో వస్తారా! తోచింది చెబుతా తియ్యంగ వినిపిస్తా చెవులదుమ్ము దులుపుతా చక్కగవినటము నేర్పుతా అందాలు చూపిస్తా ఆనందం కలిగిస్తా కంటితెరలు తొలగిస్తా ముచ్చటగచూడటం నేర్పుతా వెలుగులు చిమ్ముతా బాటలు చూపిస్తా ముందుకు నడిపిస్తా జీవితాన్ని బంగారుమయంచేస్తా ఆలోచనలు పారిస్తా అంతరంగాన్ని తడుతా ఆశయాలు ఏర్పరుస్తా అఙ్ఞానాన్ని పారదోలుతా భ్రమలు కల్పిస్తా గాలిలో ఎగిరిస్తా ఆకాశపు అంచులుకుతీసుకెళ్తా భావనలలో ముంచేస్తా నిత్యం చదివిస్తా కొత్తవిషయాలు నేర్పిస్తా హితవచనాలు వల్లెవేయిస్తా భవితకు బాటలునిర్మింపజేస్తా వెన్నెలను కురిపిస్తా వయ్యారాలు కనమంటా వినోదపరుస్తా విహరింపజేస్తా పూదోటలోనికి తీసుకెళ్తా పొంకాలు పరికించమంటా పరిమళాలు పీల్చమంటా పరమానందము పొందమంటా నాతో వస్తారా చేతులు కలుపుతారా కలసి అడుగులువేస్తారా కమ్మగాకాలం గడుపుతారా నాతో వస్తారా నన్ను మెచ్చుకుంటారా నాకవితలు చదువుతారా నన్ను గుర్తించుకుంటారా గుండ్లపల్లి రాజేంద్రప్రసాద్, భాగ్యనగరం
ఓ పాఠకుడా! నూతన అధ్యాయం మొదలెడుతున్నా కొత్త పుంతలు తొక్కుతున్నా నవ నవోన్మేషానికి అడుగులేస్తున్నా నీవెనుక నేనున్నానని గుర్తించుకో పాఠకా! కాలంలా వేగంగా పరుగెత్తుతూ నదిలా ముందుకు ప్రవహిస్తూ తూఫాను హోరుగాలిలా వీస్తూ నీవెంట నేనున్నానని ఙ్ఞాపకముంచుకో పాఠకా! రవిలా కిరణాలు వెదజల్లుతూ శశిలా వెన్నెలను కురిపిస్తూ తారకల్లా తళతళా మెరుస్తూ నీవెంట నేనున్నానని తలచుకో పాఠకా! చెరకు రసంలా తియ్యగా పువ్వుల తేనెలా మధురంగా తేట తెలుగులా రమ్యంగా నీవెంట నేనున్నానని ఎరుగు పాఠకా! మల్లెపూల సుగంధంలా మొగలిరేకుల సువాసనలా మరువపత్రాల సౌరభంలా నీవెంట నేనున్నానని గమనించు పాఠకా! గళమెత్తిన కోకిల కంఠంలా పురివిప్పిన నెమలి నాట్యంలా ఎగురుతున్న సీతాకోకచిలుకల్లా నీవెంట నేనున్నానని కనుగొను పాఠకా! సంసారసాగరం ఈదుతూ జీవనపయనం సాగిస్తూ పగటికలలను కంటూ నీవెంట నేనున్నానని నెమరువేసుకో పాఠకా! నిన్ను ఆనందడోలికలలో ముంచాలని నీ మదిని దోచుకోవాలని నన్ను కలకాలంగుర్తించేలా చేయాలని నీకోసం నేనెప్పుడు కాచుకొనియుంటానని స్మరించుకో పాఠకా! గుండ్లపల్లి రాజేంద్రప్రసాద్, భాగ్యనగరం
కవిత కమ్మదనానికి కవితకు కాశ్మీరాంబరం కప్పాలని ఉన్నది కవితాకన్యమెడకు మందారమాలను వెయ్యాలని ఉన్నది కవితాసుమానికి మొగిలిపూపరిమళం అద్దాలని ఉన్నది కైతమ్మనోరుకు తేనెను రాయాలని ఉన్నది కయితాబాలపెదాలకు అమృతం అందించాలని ఉన్నది కవితాగానశ్రోతలకు వెన్నెలమత్తు ఎక్కించాలని ఉన్నది కవనభావాలను రసాత్మకం చేయాలని ఉన్నది కవితావిషయాలను కళాత్మకం చేయాలని ఉన్నది కవితాచెలియను పకపకా నవ్వించాలని ఉన్నది అక్షరకూర్పులను కవితాత్మకం చేయాలని ఉన్నది కయితాపాఠకులపై రవికిరణాలను ప్రసరించాలని ఉన్నది కవితాప్రియులను కుతూహల పరచాలని ఉన్నది గుండ్లపల్లి రాజేంద్రప్రసాద్, భాగ్యనగరం
కవితాసుందరి ఆమెకు అక్షరమే ఆయుధము ప్రాసలే ప్రాణము ఆమెకు పోలికయే భూషణము శైలే ఆలవాలము ఆమెకు ఆలోచనలే ఆధారము విషయమే ప్రధానము ఆమెకు మదులుదోచటమే ముఖ్యము నిత్యప్రవాహమే ఇష్టము ఆమెకు మధురగళాలే ఆవాసము నవ్వులుచిందించటమే ఆశయము ఆమెకు తీపినందించటమే సంతోషము అందాలుచూపించటమే ఆనందము ఆమె కలాల ప్రవాహము కాగితాలకు అలంకారము ఆమె ఆకర్షణకు ఆద్యము మరోలోకానికి మార్గము గుండ్లపల్లి రాజేంద్రప్రసాద్, భాగ్యనగరం
తెలుగుతమ్ముళ్ళారా! మీరు తెలుగువాళ్ళా అయితే తెలుగుతల్లిని పూజించండి మీకు తెలుగు బాగావచ్చా అయితే వెలుగులు వెదజల్లండి మీకు మాతృభాషపై ప్రేముందా అయితే మీభాషను ప్రోత్సహించండి మిమ్మల అ ఆలు పిలుస్తున్నాయా అయితే అక్షరాలను అందంగా అల్లండి మిమ్మల తేటపదాలు తడుతున్నాయా అయితే తేటతెల్లముగా కైతలువ్రాయండి మిమ్ము స్వరాలు గళమెత్తమంటున్నాయా అయితే చక్కగా కవితాగానము వినిపించండి మీకు తీపియంటే ఇష్టమా అయితే తేనెపలుకులు విసరండి మీకు తెలుగుపై పట్టుందా అయితే సాహిత్యపయనం సాగించండి మీరు పక్కా తెలుగోళ్ళా అయితే మీబాసకు తక్కువచేయకండి మిమ్మల తోటివారు ప్రోత్సహిస్తున్నారా అయితే సూక్తులు సుశబ్దాలు శోభిల్లగపలకండి గుండ్లపల్లి రాజేంద్రప్రసాద్, భాగ్యనగరం
నా పగటికలలు నేను మునిగింది గంగనుకున్నా నాకు దక్కింది మహాపుణ్యమనుకున్నా నేను పట్టింది బంగారుమనుకున్నా నాతలరాత మారిపోయిందనుకున్నా నేను ఏరుకున్నది నవరత్నాలనుకున్నా నాకు చిక్కింది మహాభాగ్యమనుకున్నా నేను ఇచ్చింది అమూల్యమనుకున్నా నేను మరోబలిచక్రవర్తిననుకున్నా నేను రాసింది అపరూపకావ్యమనుకున్నా నాకు లభించింది అనన్యసన్మానసత్కారాలనుకున్నా నేను పాడింది గాంధర్వగానమనుకున్నా నాప్రేక్షకులు అభిమానధనులనుకున్నా నేను తొటలోపూసిన తొలిపూవుననుకున్నా నేనుపిచికారిచేసింది మల్లెలపరిమళాలనుకున్నా నేను మేఘమువదిలిన మొదటివానచుక్కననుకున్నా నావలన భూమిపచ్చబడి హరితవనమయిందనుకున్నా నేను వలచింది రంభనుకున్నా నన్ను వరించింది అదృష్టమనుకున్నా నేను తలచింది జరగాలనుకుంటున్నా నావలన అందరికీ మేలుజరగాలనుకుంటున్నా నేను ఎక్కింది మునగచెట్టనుకుంటున్నారా కాదు నేనధిరోహించిన ఊహలపల్లకిననుకున్నా నేను కోసింది సొరకాయలనుకుంటున్నారా కాదు నేనుకన్న పగటికలలనుకుంటున్నా గుండ్లపల్లి రాజేంద్రప్రసాద్, భాగ్యనగరం
నా కవనకహానీలు కవితను నడిపిస్తా కనులారా కాంచమంటా కవితను మొలిపిస్తా కాయలుకాయిస్తా కోసుకొనితినమంటా కవితను పూయిస్తా సౌరభాలను ఆస్వాదించమంటా కవితను వెలిగిస్తా తేరపారా చూడమంటా కవితను వినిపిస్తా శ్రద్ధగా ఆలకించమంటా కవితను కూరుస్తా బొమ్మను చూపుతా కవితను వండుతా కడుపునిండా ఆరగించమంటా కవితను పండిస్తా కమ్మదనాన్ని అందిస్తా కవితను సాగదీస్తా ఓపికను పరీక్షిస్తా కవితను కురిపిస్తా మనసును తడిపేస్తా కవితను చదువుతారా కవిని తలుస్తారా కవితను గుర్తించుకుంటారా కవిని మెచ్చుకుంటారా గుండ్లపల్లి రాజేంద్రప్రసాద్, భాగ్యనగరం