Gundlapall Rajendraprasad

 పూలలోకం పూలలోకంలో విహరించాలనియున్నది పూలమనసులను తెలుసుకోవాలనియున్నది పూలచెట్లను పెంచాలనియున్నది ప్రకృతిమాతకు శోభనుకూర్చాలనియున్నది పూలను చూడాలనియున్నది పరవశమును పొందాలనియున్నది పూలను అల్లాలనియున్నది మాలలను తెలుగుతల్లిమెడలోవెయ్యాలనియున్నది పూలతేనెను సేకరించాలనియున్నది తెలుగుపలుకులపైచల్లి తియ్యంగాచేయాలనియున్నది పూలపరిమళాలు చల్లాలనియున్నది పూలప్రేమికులను పరవశింపజేయాలనియున్నది పూలపొంకాలు చూపాలనియున్నది పరికించేవారిని పులకరింపచేయాలనియున్నది పూబాలలను పలుకరించాలనియున్నది కబుర్లుచెప్పి కాలక్షేపంచెయ్యాలనియున్నది పూలకన్యలను పిలువాలనియున్నది పొగడ్తలలో ముంచాలనియున్నది పూలకవితలు వ్రాయాలనియున్నది సాహిత్యప్రియులను సంతసపరచాలనియున్నది గుండ్లపల్లి రాజేంద్రప్రసాద్, భాగ్యనగరం

 నీలాలనింగిలో నిండుజాబిలి అదిగో నీలాకాశం అల్లదిగో చంద్రబింబం తారలమధ్య  చంద్రుడు తిరుగుతున్నాడు తెల్లని కౌముది పిండిని ఆరబోస్తున్నట్లున్నది చల్లనివెన్నెల శరీరానికి హాయినిస్తున్నది వెండిమబ్బులు ఆకాశాన తేలుతున్నవి నింగి వెలిగిపోతుంది నేల మెరిసిపోతుంది కోడెకారు పరుగులెత్తుతుంది కోర్కెలు చెలరేగుతున్నాయి మల్లెలు పరిమళాలు చల్లుతున్నాయి మదులు మత్తులో తూగుతున్నాయి సొగసు సయ్యాటలాడుతుంది మనసు ముచ్చటపడుతున్నది నిండు చంద్రుడు నింగిలో పయినిస్తున్నాడు తళతళ తారలు మేఘాలతో దోబూచులాడుతున్నాయి భూమి నీవుతిరగకు జాబిలిని కదలనీయకు రవి నీవుపొడవకు వెన్నెలను హరించకు కాలమా ఆగిపో చంద్రమా నిలిచిపో గుండ్లపల్లి రాజేంద్రప్రసాద్, భాగ్యనగరం

నీలాకాశం అత్యంత అందంగాయున్నది ఆకాశం అమిత అనందాన్నియిస్తున్నది వాతావరణం పిలుస్తున్నది నీలిగగనం చూడమంటున్నది పైకెత్తిశిరం తేలుతున్నాయి తెల్లమబ్బులు తృప్తినిస్తున్నాయి తిలకించువార్లకు రంగును తీసుకోమంటున్నది ఆటలను ఆడుకోమంటున్నది నీలివస్త్రం తీసుకెళ్ళమంటున్నది  బట్టలను కుట్టించుకోమంటున్నది  పక్షిలా ఎగిరిరమ్మంటున్నది నింగినంతా విహరించమంటున్నది మేఘాలనెక్కి స్వారిచేయమంటున్నది పరవశించి పొంగిపొమ్మంటుంది ఆకాశం అద్భుతం కడురమ్యం ఖగోళం గుండ్లపల్లి రాజేంద్రప్రసాద్, భాగ్యనగరం

 పచ్చదనం పచ్చదనము చూడ పరవశించు మది సహజ ప్రకృతికి ఇలలోలేదు సాటి కొమ్మకొమ్మను కన పత్రపత్రము కాంచ శోభాయమానము హరితవనము ఎండను తగ్గించు ప్రాణవాయువు నిచ్చు వానలు కురిపించు చెట్లు కడుమనోహరము పూవులు పూయు కాయలు కాయు విందుల నిచ్చు వృక్షరాజములు పక్షులకు గూళ్ళనిచ్చు పశువులకు మేతనిచ్చు ప్రాణులకు నీడనిచ్చు ప్రకృతి బహుసుందరంబు కన్నులను కట్టివేయు మనసులను మురిపించు కవులను ప్రకృతిప్రేరేపించు కమ్మనికవితలు వ్రాయించు గుండ్లపల్లి రాజేంద్రప్రసాద్, భాగ్యనగరం

 నేడే ఎన్ టీ ఆర్ జయంతి రామారావును స్మరిద్దాం విశిష్టతలను నెమరేద్దాం రామారావు నిమ్మకూరులో పుట్టాడు రాముడిగా సార్ధకనాముడయ్యాడు చిత్రసీమలో వెలిగాడు రాజకీయాలలో మెరిసాడు అందరికీ అన్న అయ్యాడు అందరి మదులలో నిలిచాడు రాముడంటే రామారావే అన్నారు కృష్ణుడంటే రామారావే అయ్యాడు రాయలసీమలో కరువస్తే  జోలెపట్టాడు విరాళాలు సేకరించి బాధితులను ఆదుకున్నాడు కేంద్రప్రభుత్వం పద్మశ్రీ బిరుదుతో గౌరవించింది ఆంధ్ర విశ్వవిద్యాలయం గౌరవడాక్టరేట్ కళాప్రపూర్ణలతో సత్కరించింది రెండురూపాయలకే కిలోబియ్యంపధకం అమలుచేశాడు ఆడువారికి ఆస్తిలోసమానహక్కును కల్పించాడు పటేల్ పట్వారి వ్యవస్థను రద్దుచేశాడు వెనుకబడిన వర్గాలకు రిజర్వేషను  సౌకర్యమిచ్చాడు తెలుగుదేశం పార్టీని పెట్టాడు తొమ్మిదినెలలలోనే అధికారంలోకి తెచ్చాడు ప్రతిపక్షాలను ఏకంచేశాదు కాంగ్రెసుపార్టీని మట్టికరిపించాడు పార్లమేంటులో తెలుగుదేశమును  ముఖ్యప్రతిపక్షం చేశాడు తెలుగుగళాన్ని దేశమునకు  వినిపించేలా చేశాడు తెలుగు భాషకు తెలుగు జాతికి దేశవిదేశాలలో గుర్తింపుతెచ్చాడు రామారావు నటనలో అద్వితీయుడు రామారావు రాజకీయాలలో విశిష్టుడు రామారావుకు జైకొడదాం తెలుగుజాతిని గౌర...

 తెలుగు తియ్యందనాలు తెలుగు అందాలను ఆస్వాదించాలని ఆతురుతపడుతున్నా తెలుగు వెలుగులను చిమ్మాలని తపించిపోతున్నా తెలుగు పాలకడలిని చిలకాలని చూస్తున్నా తెలుగు  అమృతాన్ని పుట్టించాలని ప్రయత్నిస్తున్నా తెలుగు  పూదోటను పెంచాలని శ్రమిస్తున్నా తెలుగు సుమాలను పూయించాలని కష్టపడుతున్నా తెలుగు సౌరభాలను చల్లాలని కోరుతున్నా తెలుగు తియ్యదనాలను చూపాలని కలలుకంటున్నా తెలుగు రుచులను తినిపించాలని వండుతున్నా తెలుగు అక్షరాలను ఇంపుగాసొంపుగా పేర్చాలనిచూస్తున్నా తెలుగు పదాలను నదిలోనినీరుగా ప్రవహింపచేయాలనిచూస్తున్నా తెలుగు కవితలను వ్రాయాలని కలంపడుతున్నా తెలుగు పాఠకులను పరవశింపజేయాలని పూనికతోపుటలపైగీస్తున్నా తెలుగుతల్లి ఋణమును తీర్చుకోవాలని తనయుడిగాతహతహలాడుతున్నా గుండ్లపల్లి రాజేంద్రప్రసాద్, భాగ్యనగరం

 పాలమూరుముద్దుబిడ్డ ప్రతాపరెడ్డి సురవరం మనవరం సురవరం మనతేజం సురవరం మనరత్నం సురవరం మనగర్వం ప్రతాపరెడ్డి పండితుడు ప్రతాపరెడ్డి పరిశోధకుడు ప్రతాపరెడ్డి పాత్రికేయుడు ప్రతాపరెడ్డి పత్రికాస్థాపకుడు పుట్టాడు పాలమూరు బోరవెల్లిలో మెరిసాడు తెలంగాణా భాగ్యనగరంలో చదివాడు  కర్నూలులో ప్రాధమికవిద్యను చేశాడు  హైదరాబాదులో ఎఫ్ ఎ చదువు అయ్యాడు  మద్రాసులో పట్టభద్రుదు పూర్తిచేశాదు అక్కడే న్యాయవిద్యను  చలించాడు  తెలంగాణా దుస్థితికి కలతపడ్డాడు  తెలుగుభాష అగౌరవానికి పెట్టాడు తెలుగులో గోల్కొండపత్రికను  వ్రాశాడు వివిధపత్రికలలో వ్యాసాలు  తెచ్చాడు  తెలంగాణా కవులసంచికను ప్రచురించాడు  ఆంధ్రుల సాంఘీకచరిత్రను తపించాడు  తెలుగుభాషకు మద్ధతిచ్చాడు  విశాలాంధ్రకు వ్రాశాడువ్యాసాలు  కూర్చాడు కవితలు రాశాడు నవలలు  రచించాడు కథలు ధిక్కరించాడు  నైజాం నిరంకుశత్వామును ఎదిరించాడు భూస్వామ్యవ్యవస్థను వ్రాశాడు పెక్కుపుస్తకాలను  తెలిపాడు ఆంధ్రులచరిత్రను  సురవరం శౌర్యానికి శతకోటివందనాలు ప్రతాపరెడ్డి ప్రతాపానికి పలుపుష్పాంజలులు గుండ్లపల్లి రాజేంద్రప్రస...

 ఒక పువ్వు ఓ పొద్దు పొడిచింది ఓ పూవు పూచింది ఓ పువ్వు కనపడింది ఓ నవ్వు తెప్పించింది ఓ సుమం విరిసింది ఓ సౌందర్యం చూపింది ఓ కొమ్మ కదిలింది ఓ ఆర్తవం ఊయలూగింది ఓ పవనం వీచింది ఓ సౌరభం చల్లింది ఓ ప్రసూనం తేనెనుదాచింది ఓ భ్రమరం మధువునుక్రోలింది ఓ కుసుమం రంగునుచూపింది ఓ కిరణం వెలుగునుచిమ్మింది ఓ అలరు ఆకర్షించింది ఓ మారు చూడమంది ఓ పుష్పం వాడింది ఓ విచారం ఆవరించింది ఓ పీలుపు రాలిపడింది ఓ గుబులు పుట్టించింది పూదోటలలో విహరిస్తా పూబాలలతో స్నేహంచేస్తా పువ్వులను ప్రేమిస్తా కవితలను కుమ్మరిస్తా చదువరులను స్పందింపచేస్తా పాఠకులను పరవశింపజేస్తా మనసులను దోచుకుంటా మదులలో నిలిచిపోతా పూప్రేమికులైతే పులకరిస్తా పూలకవినంటే పొంగిపోతా గుండ్లపల్లి రాజేంద్రప్రసాద్, భాగ్యనగరం

 హృదయరాణి ఆమె క్రీగంటచూచింది కన్నులూకలిపింది కళ్ళలోనిలిచింది ఆమె ముద్దుగాపిలిచింది ముచ్చటాలాడింది మురిపమూచేసింది ఆమె తీపిగాపలికింది తేనెలూచిందింది తోడుకూరమ్మంది ఆమె అందాలుచూపింది ఆనందమునిచ్చింది అంతరంగాన్నిదోచింది ఆమె కలలోకివచ్చింది కవ్వించిపోయింది కోరికలులేపింది ఆమె రాగాలుతీసింది రంజింపజేసింది రసప్రాప్తినిచ్చింది ఆమె చిరునవ్వుచిందింది చెంతకువచ్చింది చక్కదనాలుచూపింది ఆమె పూలనువిసిరింది పరిమళాలుచల్లింది ప్రేమలోదించింది ఆమె వయ్యారలొలికింది వాలుజడనూపింది వలపులోతడిపింది ఆమె చేయినిచాచింది చేతులుకలిపింది చేరువునేనిలిచిపోయింది ఆమె సరసాలాడింది సంబరపరిచింది సతియైపోయింది ఆమెనాకు ప్రాణమయ్యింది జీవితమయ్యింది ప్రపంచమయ్యింది ఆమెను ఇంకేమడుగను? ఎలావదలను? ఎట్లామరువను? ఆమెను గుండెలోదాచుకుంటా మదిలోనిలుపుకుంటా హృదయరాణినిచేసుకుంటా గుండ్లపల్లి రాజేంద్రప్రసాద్, భాగ్యనగరం

 వాగీశ్వరీ! తల్లీవాగ్దేవీ! తలపులు తలకెక్కించవమ్మా రాతలు రమ్యంగారాయించవమ్మా వాణీదేవీ! విషయాలు సూచించవమ్మా వివిధకవితలు వ్రాయించవమ్మా గీర్వాణీ! కవితామేఘాలు సృష్టించవమ్మా కవితాజల్లులు కురిపించవమ్మా భారతీ! భావాలు పుట్టనివ్వమ్మా బహుకవితలు బయటపెట్టనివ్వమ్మా సరస్వతీ! కవితాపుష్పాలు పూయించవమ్మా సుమసౌరభాలు వెదజల్లనివ్వమ్మా శారదా! మనసును వెలిగించవమ్మా మంచికవితలనూ మెండుగాకూర్చనీయవమ్మా పలుకులమ్మా! పదాలను పారించవమ్మా పలుకవితలను పుటలకెక్కించనీయవమ్మా విద్యాదేవీ! వివిధాంశాలు విశ్లేషణచేయనీయవమ్మా విభిన్నప్రక్రియలు విపులంగావిరచించనీయవమ్మా గుండ్లపల్లి రాజేంద్రప్రసాద్, భాగ్యనగరం

 తరంగాల తారంగం తరంగాలు తచ్చాడుతున్నాయి సరాగాలు సయ్యాటలాడుతున్నాయి శబ్దతరంగాలు చరించుతున్నాయి శ్రవణేంద్రియాలు స్వీకరించిస్పందిస్తున్నాయి గాలితరంగాలు గమనంసాగిస్తున్నాయి గాత్రాలు గమనించిసేదదీరుతున్నాయి కిరణతరంగాలు ప్రసరిస్తున్నాయి చక్షువులు చూపులుసారించుతున్నాయి చరవాణితరంగాలు సంచరిస్తున్నాయి చేపలుకులనుతాకి సంభాషించమంటున్నాయి ఆడియోతరంగాలు రేడియోలనుతాకుతున్నాయి మాటలుపాటలు  ఇంపుగావినిపించుతున్నాయి వీడియోతరంగాలు టీవీలకుచేరుతున్నాయి దృశ్యాలను దర్శింపజేస్తున్నాయి కడలితరంగాలు కదులుతున్నాయి తీరమును తాకిపడుతున్నాయి ప్రేమతరంగాలు గుండెలోపుడుతున్నాయి బంధాలను తోడుకుతెచ్చుకోమంటున్నాయి ఆలోచనాతరంగాలు వెంటబడుతున్నాయి అంతరంగాలను అంటిప్రేరేపిస్తున్నాయి మనోతరంగాలు మూడులోకాలుతిరుగుతున్నాయి మనుషులకు మేధోసంపత్తినిస్తున్నాయి కవనతరంగాలు కవితలనుపుట్టిస్తున్నాయి మనసులను ముట్టిమురిపించుతున్నాయి తరంగాలతో తారంగమాడుదాం వీరంగాలతో వేడుకచేసుకుందాం గుండ్లపల్లి రాజేంద్రప్రసాద్, భాగ్యనగరం చేపలుకు= చేతిఫోను

 పడ్డానండి ప్రేమలో (టానిక్కు దొరికింది) పూదోటకు వెళ్ళా పూలను పరికించా పొంకాలు ఆస్వాదించా పరిమళాలు పీల్చా పూలకవితను కూర్చా పలువురికి వినిపించా అయినా సంతసం కలగలా ప్రకృతిని కాంచా పుడమితల్లికి మొక్కా జాబిలిని చూశా వెన్నెలలో విహరించా తారకలను దర్శించా ఊహలలో తేలిపోయా అయినా తనివి తీరలా సభకు వెళ్ళా స్టేజీని ఎక్కా గొంతును విప్పా గానం చేశా శాలువా కప్పించుకున్నా సన్మానం పొందా అయినా ఆనందం చిక్కలా కలమును పట్టా కాగితాలు నింపా అక్షరాలు అల్లా పదాలు పారించా కవితను వ్రాశా కమ్మగా ఆలపించా అయినా ఆహ్లాదం అందలా చెలిచెంతకు వెళ్ళా కబుర్లు చెప్పా సరసాలు ఆడా సమయం గడపా మదిని విప్పా  మాటను తీసుకున్నా అయినా ఆత్మ తృప్తిపడలా నిన్న  పెక్కుఫోనులు వచ్చాయి ప్రశంసలు కురిసాయి చాలా సమూహాలలో సుస్పందనలు కనిపించాయి సంతృప్తిని కలిగించాయి ఇప్పుడు టానిక్ దొరికింది మది పొంగిపొర్లింది పడ్డానండి ప్రేమలో కవిత్వము మోజులో కవిత కవ్వింపులతో దిగానండి కవనరంగంలో సాహిత్య సంసారంలో సాహితీ మార్గంలో పాఠకుల ప్రేరణతో సరస్వతీ దీవెనలతో గుండ్లపల్లి రాజేంద్రప్రసాద్, భాగ్యనగరం

 మనసు తహతహలు మనసు రూపాన్ని పొంది వేషాన్ని ధరించి లోకాన్ని పాలించాలంటున్నది మనసు పంజరంనుండి బయటకొచ్చి పక్షిలా విహరించాలంటున్నది మనసు చీకటిగుహనుండి తప్పించుకొనివచ్చి దీపంలా వెలిగిపోవాలంటున్నది మనసు బంధాలనుతెంచుకొని బాహ్యజగంలోనికొచ్చి స్వేచ్ఛగా సంచరించాలంటున్నది మనసు పువ్వులాతయారయి పలువురికంటబడి పరిమళాలు చల్లాలంటున్నది మనసు కట్టలుతెంచుకొని ఉరుకులనందుకొని నదిలా ప్రవహించాలంటున్నది మనసు మట్టిలోనాటుకొని మొక్కలామొలిచి మహావృక్షంలా ఎదగాలంటున్నది మనసు రెక్కలనుతొడుక్కొని రెపరెపాలాడించి అకాశం అంచులదాకావెళ్ళిరావాలంటున్నది మనసు నల్లనిమబ్బయి నింగినిచేరి ఆలోచనాజల్లులు కురిపించాలంటున్నది మనసు ధైర్యంకూడగట్టుకొని ధరిత్రిలోతిరిగి సాహసాలు చెయ్యాలంటున్నది మనసు ముస్తాబయి ముందుకొచ్చి మాటలతో మురిపించాలంటున్నది మనసు అక్షరాలను ఏరి అందంగా అమర్చి అందరినిచదివించి ఆహ్లాదపరచాలంటున్నది మనసు మనుషులను వదిలిపెట్టి ముసుగును తొలగించుకొని మహిలో మహోన్నంతంగాజీవించాలంటున్నది గుండ్లపల్లి రాజేంద్రప్రసాద్, భాగ్యనగరం

 మరదలుపిల్ల  పెట్టుకుంది మల్లెచెండు వచ్చింది కళ్ళముందు చల్లింది సువాసన దింపింది మత్తులోన నచ్చింది బంగరుబొమ్మ నడిచింది హంసనడక చూపింది చంద్రవదనం వేసింది వలపుగాలం చిందింది చిరునవ్వు దోచింది దోరవయసు ఒలికింది వయ్యారాలు చల్లింది ప్రేమజల్లులు చూపింది చక్కదనాలు చేర్చింది సంతోషాలు వస్తానంది వధువులాగ ఇస్తానంది మధువుపాత్ర వినిపించింది గాజులచప్పుడు మ్రోగించింది కాళ్ళగజ్జలు వేసింది పగ్గాన్ని పట్టింది ప్రాయాన్ని చిక్కింది చేపపిల్ల దొరికింది లేడికూన ముంచింది ప్రేమలోన తేల్చింది సుఖములోన మరువను మరదలును విదేశాలకు విడిచివెళ్ళను కడతాను మంగళసూత్రం వేస్తాను వీడనిబంధం గుండ్లపల్లి రాజేంద్రప్రసాద్, భాగ్యనగరం

ఆనాటి చెలిఙ్ఞాపకాలు చెలీ! అప్పటి వెలుగులేవి తళుకులేవి ఉరుకులేవి? అప్పటి పువ్వులేవి నవ్వులేవి ప్రేమలేవి? అప్పటి చతుర్లేవి షోకులేవి చిందులేవి? అప్పటి వయ్యారాలేవి వాలుజడలేవి వావివరుసలేవి? అప్పటి బొట్టులేవి జుట్టులేవి కట్టులేవి? అప్పటి లంగాలేవి ఓణీలేవి రవికలేవి? అప్పటి మోములవెలుగులేవి నగానట్రాలేవి గాజులరవాలేవి? అప్పటి ప్రాయమేది పరుగులేవి పసందులేవి? అప్పటి మాటలేవి మమతలేవి మనసులేవి? అప్పటి సరసాలేవి సంబరాలేవి సంతసాలేవి? అప్పటి పలుకులేవి ఉలుకులేవి కులుకులేవి? అప్పటి బంధాలేవి భ్రమలేవి భావనలేవి? అప్పటి సిగ్గులేవి సింగారాలేవి శృంగారాలేవి? అప్పటి స్నేహములేవి సర్దుబాటులేవి సహకారాలేవి? అప్పటి నడతలేవి నమ్మకాలేవి నాణ్యతలేవి? అప్పటి మర్యాదలేవి మమకారాలేవి మాధుర్యాలేవి? అప్పటి చిలుకపలుకులేవి కోకిలస్వరాలేవి హంసనడకలేవి? అప్పటి సంసారాలేవి సంప్రదయాలేవి సద్భావములేవి? చెలీ! నువ్వు అక్కడకుబయలుదేరు నన్ను అక్కడకుతీసుకొనివెళ్ళు గుండ్లపల్లి రాజేంద్రప్రసాద్, భాగ్యనగరం

 పువ్వులు పదాలు పూలను పిలుస్తా పదాలను ప్రవరిస్తా పూలను పూయమంటా పదాలను పారమంటా పూలను పరికిస్తా పదాలను పలుకుతా పూలమాలను గుచ్చుతా పదాలను పేర్చుతా పూలను ప్రేమించుతా పదాలను ప్రయోగించుతా పూలను ప్రశంసిస్తా పదాలను ప్రసంగిస్తా పూతేనెను సేకరిస్తా పదములకు తీపినిపూస్తా పూపరిమళాలు పీల్చుతా పదమాధుర్యాలు పంచుతా ఫూలను కళ్ళముందుంచుతా పదాలను పెదవులుదాటించుతా పూలపొంకాలు ఆస్వాదిస్తా పదసౌందర్యాలు అందజేస్తా పూలను పడతులకిస్తా పదాలను పాఠకులకిస్తా పూలిచ్చి ప్రేమనుతెలుపుతా పదాలువాడి పాండిత్యముచూపుతా పూలను పరికీర్తిస్తా పదాలను ప్రశంసిస్తా పువ్వు పడతి పదము ప్రేయసి పూలు ప్రకృతి పదాలు సాహితి నాకు పూలుకావాలి పదాలుకావాలి పాఠకులుకావాలి గుండ్లపల్లి రాజేంద్రప్రసాద్, భాగ్యనగరం

 పూలతెమ్మెరలు మొగ్గలు తొడగనీ కొమ్మకొమ్మను నింపనీ పువ్వులు పూయనీ మనసులు దోచనీ పుష్పాలు విరియనీ పొంకాలు చూపనీ పువ్వులు చూడనీ పరవశం పొందనీ పూలదగ్గరకు వెళ్ళనీ పరిమళాలు పీల్చనీ పువ్వులను పరికించనీ పులకరించి పోనివ్వనీ పువ్వులు తీసుకొనిరానీ ప్రియురాలు తలలోతురుమనీ పువ్వులు తాకనీ ముచ్చట పడనీ పువ్వులను పిలువనీ ప్రేమను తెలుపనీ తేటుగా మారనీ తేనెను క్రోలనీ పువ్వు పడచులా షోకుల సుకుమారి పుష్పం కన్యలా కళ్ళకు ఆనందకారి పువ్వు ప్రేమకుప్రతిరూపం నవ్వు నాతిమదికిప్రతిబింబం పువ్వు పూబోడికిసోదరి సిగ్గు చిన్నదానిసహవాసి పూలకన్యల సంతసపెడతా ప్రేమలోకాన సంచరించుతా గుండ్లపల్లి రాజేంద్రప్రసాద్, భాగ్యనగరం

  కలాలగళాలు అల్లుకొంటా డొంకలు దూసుకొనిపోతా చెట్లను చుట్టుకుంటూవెళ్తా ఆకాశపు అంచులుచేరతా వెలిగిస్తా అక్షరజ్యోతులు మోములనవ్వులు  మదులమెరుపులు వదులుతా తీయనిమాటలు కవిగారితూటాలు మన్మధునిబాణాలు తడతా పాఠకులవెన్నులు మనుజులమనసులు సాహిత్యాభిమానాలు పంపుతా పూలకవితలు ప్రేమకైతలు ప్రబోధగీతాలు చెబుతా తీయనితేనెలొలుకుకబుర్లు మదిమెచ్చేటిముచ్చట్లు గుర్తుండిపోయేగుసగుగుసలు చూస్తా అందచందాలు తెలుగువెలుగులు సాహిత్యసంబరాలు శ్రమిస్తా సాహితీసేవకి భాషాభివృద్ధికి మదులవికాసానికి పొందుతా ప్రశంసలవర్షం ప్రధమస్థానం పరమానందం చల్లుతా పూలపరిమళాలు తేనెచుక్కలు అద్భుతపదాలు గుండ్లపల్లి రాజేంద్రప్రసాద్, భాగ్యనగరం

నవమన్మధుడా! మన్మధా! మత్తుచల్లకురా మనసుదోచకురా మరులుకొలపకురా! చిన్నదానినిరా శిరసునెత్తి చూడలేనిదానినిరా సంభాషణలు చేయలేనిదానిరా సరసాలు తెలియనిదానినిరా మల్లెపూలు పెట్టుకోనా మంచిగంధం రాసుకోనా సుమసౌరభాలు చల్లనా సోయగాలు చూపించనా చిరునవ్వులు చిందనా చెంతకు రమ్మందునా చతురోక్తులు విసరనా చిత్తాన్ని చిత్తుచెయ్యనా షోకులు చేసుకోనా చూపులు కలపనా చిలిపిచేష్ఠలు చెయ్యనా సూదంటురాయిలా చెంతకులాగుకోనా ప్రేమలేఖ పంపనా పరవశింపజేయనా తోడుకు రమ్మందునా జోడును చేసుకుందునా వెన్నెలలో విహరించనా వెండిమబ్బులక్రింద కూర్చొననా వినోదపరచనా వేదుకచెయ్యనా విరులువిసరనా విందుకుపిలవనా తలపులు తడుతున్నాయి వలపులో దించుతున్నాయి విరహం వేధిస్తుంది వెచ్చదనం కావాలంటుంది ముచ్చట లాడాలనియున్నది మాటలు కలపాలనియున్నది మనసు మొండికేస్తున్నది మతిపోతున్నది గతితప్పుచున్నది మన్మధా! బాణాలు విసరకు మదిలో భావాలురేకెత్తించకు మరులుకొలపకు మోహంలోదించకు మత్తుచల్లకు చిత్తాన్నిచలింపకు గుండ్లపల్లి రాజేంద్రప్రసాద్, భాగ్యనగరం

 ఊహల గుసగుసలు ఊహలు ఊరుతున్నాయి ఉరకలు వేయిస్తున్నాయి ఆలోచనలు పారుతున్నాయి అంతరంగాన్ని ఆడిస్తున్నాయి తలపులు తడుతున్నాయి తలలో తందనాలాడుతున్నాయి యోచనలు వెంటబడుతున్నాయి హృదయాన్ని ఊగిసలాడిస్తున్నాయి చింతనలు చాలాపుడుతున్నాయి చిత్తాన్ని చంచలంచేస్తున్నాయి విచారణలు వంటిలోకొస్తున్నాయి వర్ణనలను విరివిగాచేయమంటున్నాయి భావాలు బయటకొస్తున్నాయి బేషుగ్గా బోధించమంటున్నాయి కల్పనలు కడుతోస్తున్నాయి కమ్మనికవితలుగా మలచమంటున్నాయి కలలు కోకొల్లలువస్తున్నాయి కవ్వించి కవనంచేయమంటున్నాయి అభిప్రాయాలు ఏర్పడుతున్నాయి అందంగా వ్యక్తపరచమంటున్నాయి అనుభవాలు కలుగుతున్నాయి ఆనందాలను అందించమంటున్నాయి చిత్తం చలిస్తుంది చక్కనికవితలు సృష్టించమంటుంది  మనసు మారముచేస్తున్నది మననం మరోమారుచేసుకోమంటున్నది మది బయటకొస్తానంటుంది మనసులను మురిపిస్తానంటుంది  గుండ్లపల్లి రాజేంద్రప్రసాద్, భాగ్యనగరం

 నడువు నడువు నడువు నడువు  ముందుకు నడువు వడివడిగా అడుగులువేస్తు దూరాభారాలు అధిగమిస్తు        ||నడువు||   నడువు నడువు ముందుకు నడువు దురాచారాలను రూపుమాపుతు సదాచారాలను ప్రోత్సహించుతు    ||నడువు|| నడువు నడువు ముందుకు నడువు ముక్కు సూటిగాను మంకు పట్టుతోను             ||నడువు||         నడువు నడువు ముందుకు నడువు ఆడవారికి అండనిస్తు శిశువులను సంరక్షిస్తు           ||నడువు|| నడువు నడువు ముందుకు నడువు అన్నార్తుల ఆకలితీరుస్తు అభాగ్యుల అవస్థలంతంచేస్తు      ||నడువు|| నడువు నడువు ముందుకు నడువు విజయాలను సాధిస్తు లక్ష్యాలను ఛేదిస్తు              ||నడువు|| నడువు నడువు ముందుకు నడువు అవినీతిని చెండాలుతు అన్యాయాలను అరికడుతు        ||నడువు|| నడువు నడువు ముందుకు నడువు కష్టాలను ఓర్చుకుంటు నష్టాలను భరించుకుంటు         ||నడువు|| నడువు నడువు ముందుకు నడువు అందాలను చూస్తు ఆనందాలను పొందుతు...

 మాటలమూటలు మాటలు మూటకడతా మదిన దాచుకుంటా మల్లెలు మాటలతో కలిపేస్తా సుగంధాలు చుట్టూ చల్లేస్తా మాటలు మిలమిలమెరిపిస్తా తెలుగును తళతళవెలిగిస్తా మధువును మాటలకు పూస్తా పలుకులను బహుపసందు చేస్తా మాటలు విసురుతా మనసులు దోచుకుంటా మాటలను నీళ్ళలో ముంచుతా గొంతులను తడుపుకోమంటా మాటలను వండివడ్డిస్తా కడుపులను నింపుకోమంటా మాటలు మండిస్తా వైరులను తగలేస్తా మాటలు పొంగిస్తా మాధుర్యాలు పంచేస్తా మాటలు చల్లేస్తా మేనులు తడిపేస్తా మాటలు పేరుస్తా కవితలు వల్లెవేస్తా గుండ్లపల్లి రాజేంద్రప్రసాద్, భాగ్యనగరం

 నాలుగు మాటలు నాలుగు పంక్తులు కాగితంపై పెట్టాలనియున్నది నలుగురితో చదివించి చూడాలనియున్నది నాలుగు మాటలు చెప్పాలనివున్నది నా ఆలోచనలు బయటపెట్టాలనివున్నది నలుగురితో మాట్లాడాలని ఉన్నది నామదిని  తెలపాలని ఉన్నది నాలుగు విషయాలు ప్రస్తావించాలని వున్నది నా శ్రోతలను సంబరపరచాలని వున్నది నలుగురిని నవ్వించాలని యున్నది నాలుకలపై నానాలని యున్నది నలుగురితో ఆడాలని ఉన్నది నాపసేమిటో చాటాలని ఉన్నది నలుగురితో బాగుండాలని వున్నది నేను ప్రాణంవిడిచినపుడు మోయించాలని వున్నది నాలుగు పాటలు పాడాలని ఉన్నది గాయకుడిగా ప్రఖ్యాతిని  పొందాలని ఉన్నది నాలుగు ముక్కలు వాగాలని యున్నది ఏమాత్రము నసలేకుండా చూడాలని యున్నది నాలుగు నిమిషాలు ఉపన్యసించాలని వున్నది సభాసదులను సంతోషపరచాలని వున్నది నాలుగు సభలలో పాల్గొనాలని ఉన్నది నా నాలుకదూలను తీర్చుకోవాలని ఉన్నది నలుగురితో నారాయణ అనాలనియున్నది అందరి బాటలో నడక సాగించాలనియున్నది నాలుగు కవితలు వ్రాయాలని ఉన్నది మంచికవిగా గుర్తింపుతెచ్చుకోవాలని ఉన్నది గుండ్లపల్లి రాజేంద్రప్రసాద్, భాగ్యనగరం

 కొత్తకవి పేపరులో పేరువస్తే పరమానందపడి పొంగిపోతాడు కొత్తకవి పత్రికలో ఫొటోవస్తే పరవశించి పులకరించుతాడు యువకవి ప్రజలల్లో ప్రాచుర్యంలభిస్తే పెద్దకవినని ఫోజుపెడతాడు నవకవి సమ్మేళనానికిపిలిచి శాలువాకప్పి సన్మానంచేస్తే సంబరపడతాదు సరికొత్తకవి పోటీలోతనకవితకు ప్రధమస్థానమొస్తే ప్రఖ్యాతకవిగానని ప్రకటించుకుంటాడు నూతనకవి పుస్తకమొకటి ప్రింటుచేయించి పలువరికిపంచి ప్రమోదపడతాడు వర్ధమానకవి పలుకవితలను పఠించండి పెక్కుకవులను ప్రోత్సహించండి పాతకవులకు ప్రణమిల్లుదాం కొత్తకవులను స్వాగతిద్దాం గుండ్లపల్లి రాజేంద్రప్రసాద్, భాగ్యనగరం

 కవితా తరంగాలు తెలుగుతల్లి తడితే తేనెచుక్కలు చల్లితే తలపులు పారితే తనివి తృప్తిపడితే తెలుగును తలకెత్తుకోనా తేటతెలుగుకవితలను అందించనా అలరులు ఆహ్వానిస్తే విరులు విచ్చుకుంటే పీలుపులు పిలిస్తే మల్లెలు మత్తెక్కిస్తే అందాలలోకంలో విహరించనా పలుపుష్పకవితలను పారించనా కవిత కవ్విస్తుంటే నెలత నవ్విస్తుంటే పడతి ప్రేమిస్తుంటే అబల ఆకర్షిస్తుంటే మనసును పారేసుకోనా ప్రణయకవితలను పారించనా జాబిలి వెన్నెలచల్లుతుంటే కోకిల కంఠంవినిపిస్తుంటే నెమలి నృత్యంచేస్తుంటే చిలుక చక్కదనంచూపిస్తుంటే ముచ్చటపడి మైమరసిపోనా భావకవితలను బయటపెట్టనా అక్షరాలు ఆహ్వానిస్తే పదాలు పేర్చమంటే ఊహలుహృదిలో ఊరితే విషయాలు వెంటబడితే తక్షణం స్పందించనా కమ్మనికవితలు కూర్చనా సాహితి సంకల్పమిస్తే సరస్వతి సమ్మతిస్తే కలం చేతిలోకొస్తే కాగితం కనబడితే ఆలోచనలకు ఆకారమివ్వనా శ్రేష్ఠమైనకవితలను సృష్టించనా శైలితో ఆకట్టుకుంటా శిల్పంతో సంతసపరుస్తా కవనంతో కుతూహలపరుస్తా గుండ్లపల్లి రాజేంద్రప్రసాద్, భాగ్యనగరం

 పుడమితల్లికి ప్రణామాలు జననీ జన్మభూమి మననేల మనకన్నతల్లి పుట్టగానే స్వాగతిస్తుంది బరువునుమోసే బాధ్యతతీసుకుంటుంది జీవితాంతము భారంవహిస్తుంది బ్రతుకును బంగారుమయంచేసుకోమంటుంది అడుగులు వెయ్యమంటుంది ఆటలు ఆడుకోమంటుంది పంటలు పండించుకోమంటుంది పొట్టలు పోషించుకోమంటుంది పచ్చనిచెట్లను పెంచుకోమంటుంది ప్రాణవాయువును పీల్చుకోమంటుంది ఖనిజాలను ఇస్తుంది ఖజానాను నింపుకోమంటుంది నీటిని దాస్తుంది దప్పికను తీర్చుకోమంటుంది నివాసం ఏర్పరచుకోమంటుంది ఎండావానలనుండి కాపాడుకోమంటుంది పూలను పూయిస్తుంది పరిమళాలను వెదజల్లుతుంది అందాలు చూపిస్తుంది ఆనందము కలిగిస్తుంది వెలుగును స్వీకరిస్తుంది దారులను చూపిస్తుంది వెన్నెలను ఆహ్వానిస్తుంది మనసులను మురిపిస్తుంది శవమైనపుడు స్థానమిస్తుంది శరీరానికి మోక్షమిస్తుంది శిరసువంచి సదా స్మరించుకుంటా పుడమితల్లికి ప్రతిదినం ప్రణమిల్లుతా గుండ్లపల్లి రాజేంద్రప్రసాద్, భాగ్యనగరం

 వాణీదేవికి వందనాలు ఉల్లమున నిలిచి ఊహలను లేపి ఉత్సాహము నిచ్చి ఉరకలేయిస్తున్న వాణీదేవికి వందనాలు కలమును పట్టించి కాగితాలు నింపించి కమ్మదనము చూపించి కవనముచేయిస్తున్న పలుకులమ్మకి వందనాలు  విషయాలు యిచ్చి  వర్ణనలు చేయించి వినోదము కలిగించి వేడుకచేయమంటున్న చదువులతల్లికి వందనాలు  చెవులకు వినిపించి మనసును మళ్ళించి భావాలను పొంగించి చేతినికదిలిస్తున్న వాగ్దేవికి వందనాలు తేనెచుక్కలు చిందించి సుగంధాలు చల్లి కడుపును నింపి కవిత్వమునల్లిస్తున్న గీర్వాణికి వందనాలు  పలుకులు శోభిల్లపరచి వ్రాతలు రుచింపజేసి అందాలను చూపించి ఆనందపరుస్తున్న శారదాదేవికి వందనాలు ఆశలు కలిగించి ఆశయాల నేర్పరచి అనుభూతులు పంచి ఆలోచనలుపారిస్తున్న నలువరాణికి వందనాలు కలలోకి వచ్చి కవ్వించి పోయి అక్షరాలు దొర్లించి కవితలుకూర్పిస్తున్న విద్యాదేవికి వందనాలు కాంతులు ప్రసరించి వెన్నెల కురిపించి మలయమారుతాన్ని వీచి సుధనుత్రాగిస్తున్న భారతీదేవికి వందనాలు ఆ అంతరంగశక్తికి ఆ అక్షరదైవానికి ఆ అమృతమూర్తికి ఆ అమ్మసరస్వతికి వందనాలు గుండ్లపల్లి రాజేంద్రప్రసాద్, భాగ్యనగరం

 పుష్పకన్యలు మాలతి పిలిచింది మధువునిచ్చింది మత్తెక్కించింది మైమరపించింది సుమ పిలిచింది సరసాలాడింది షోకులుచూపింది సంతసపరచింది పద్మ పిలిచింది పకపకానవ్వింది పరాచకాలాడింది పరమానందమిచ్చింది కుసుమ పిలిచింది కూర్చోపెట్టింది  కబుర్లుచెప్పింది కుతూహలపరచింది పారిజాతం పిలిచింది పాటలుపాడింది ప్రేమనుతెలిపింది పరవశింపజేసింది లత పిలిచింది లావణ్యముచూపింది లాస్యమాడింది లంకెనువేసింది కుముదిని పిలిచింది కమ్మదనంచూపింది కోరికనుతెలిపింది కుషీపరచింది మల్లియ పిలిచింది మాటలుచెప్పింది ముగ్ధుడినిచేసింది మనసునుదోచింది కమల పిలిచింది కాంతులుచిమ్మింది కళకళలాడింది కన్నులుకట్టిపడేసింది సంపంగి పిలిచింది సమీపానికొచ్చింది సుగంధంచల్లింది సంబరంచేసింది పుష్ప పిలిచింది పొంకముచూపింది పరిమళముచల్లింది పారావశ్యపరచింది ప్రసూన పిలిచింది ప్రసన్నపరచింది ప్రణయంలోదించింది ప్రమోదపరచింది   రోజా పిలిచింది రోచిస్సువిసిరింది రంగునుచల్లింది రసప్రాప్తినిచ్చింది లావిక వచ్చింది లతాంతాలుతెచ్చింది లెస్సగాపలికింది లెంపనునిమిరింది ఆహా! ఏమి భాగ్యము? అందము నాదే ఆనందము నాదే ఆహా! ఏమి అదృష్టము? కవిత నాదే భవిత నాదే గుండ్లపల్లి రాజేంద్రప్రస...

 కవితావర్షం అంతరిక్షంలో కారుమబ్బులు కమ్ముతుంటే అంతరంగంలో ఆలోచనలు కూడుతున్నాయి నల్లమబ్బులు గుమికూడి చిమ్మచీకటినిచేస్తే తలలోభావాలు గాఢమై చిక్కబడుతున్నాయి వానచినుకులు టపటపా రాలుతుంటే అక్షరాలు చిటపటా చిందుతున్నాయి కాలువలుకట్టి నేలపైనీరు పారుతుంటే పదాలుపేరుకొని గలగలా ప్రవహిస్తున్నాయి జలాశయలలో ఉదకం చేరుతుంటే కాగితాలలో కవితలు కూడుతున్నాయి నీరుత్రాగి ప్రాణులు దప్పికతీర్చుకుంటుంటే పఠించి పాఠకులు సాహిత్యపిపాసతీర్చుకుంటున్నారు నీటిలో మునగండి కవితలలో తేలండి నీటితో శరీరమును చక్కగాశుభ్రపరచుకోండి కైతలతో మనసును మాలిన్యరహితంచేసుకోండి అపారసముద్రం జలపెన్నిధి సాహిత్యసంద్రం ఙ్ఞానపెన్నిధి ఆహా! ఏమి సృష్టి? ఏమి ప్రకృతి? నయనాలకు అందం మదులకు ఆనందం గుండ్లపల్లి రాజేంద్రప్రసాద్, భాగ్యనగరం ఏమీటో ఈపిచ్చి కవిత వ్రాయనిదే నిద్రపట్టటంలేదు అక్షరాలురాల్చనిదే ఆకలితీరటంలేదు ఏమిటో ఈపైత్యం కలం పట్టనిదే కాలంగడవటంలేదు కాగితాలు నింపనిదే కరాలూరుకోవటంలేదు

 తెలుగునిగ్గులు తెలుగు మనదిరా  వెలుగు మనదిరా నిగ్గు మనదిరా  నెగ్గు మనదిరా తెలుగుజాతి మనదిరా  తెలుగుఖ్యాతి మనదిరా అక్షరాలు ఆణిముత్యాలురా  పలుకులు పనసతొనలురా తెలుగుదనము చాటరా తెలుగుకాంతులు చల్లరా తెలుగుసొగసులు చూపరా తెలుగుమదులను తట్టరా తెలుగుబాట నడవరా తెలుగుతోట పెంచరా తెలుగుమాట పలుకరా తెలుగుపాట పాడరా తెలుగుపద్యాలు కూర్చరా తెలుగుకవితలు పేర్చరా తెలుగుగేయాలు వ్రాయరా తెలుగుకథలను చెప్పరా తెలుగుసేద్యము చెయ్యరా తెలుగుపంటలు పండించరా తెలుగుపూలను పూయించరా తెలుగుపరిమళాలు చల్లరా తెలుగునాట తిరుగరా తెలుగువాళ్ళ కలవరా తెలుగుఘనత చాటరా తెలుగుచరిత్ర తెలుపరా తెలుగును మరుగుచేయకురా తెలుగును అటకెక్కించకురా తెలుగును ప్రోత్సహించరా తెలుగుకు ప్రాచుర్యమివ్వరా తెలుగుతెరువన నడవరా తెలుగుజ్యోతులు వెలిగించరా తెలుగుసభలు నిర్వహించరా తెలుగుఘనుల పరిచయంచెయ్యరా సత్కవులను స్వాగతించరా సమ్మేళనములు పెట్టరా శాలువాలు కప్పరా సన్మానములు చెయ్యరా తెలుగుఫలములు మనవిరా తెలుగుపుష్పాలు మనవిరా తెలుగుసౌరభాలు మనవిరా తెలుగుతియ్యదనాలు మనవిరా తెలుగంటే వెలుగనీ తెలుగుభాష గొప్పనీ దేశవిదేశాల చాటరా విశ్వవ్యాప్తము చెయ్యరా గుండ్ల...

 ఒక వ్యవహారం..... ఒక అందం కనపడింది ఒక ఆనందం కలిగించింది ఒక అదృష్టం దొరికింది ఒక అవకాశం చిక్కింది ఒక నవ్వు విసరాలనిపించింది ఒక కోరిక తెలపాలనిపించింది ఒక పువ్వు తెద్దామనిపించింది ఒక కొప్పులో తురుమాలనిపించింది ఒక ఆట ఆడాలనిపించింది ఒక పాట పాడాలనిపించింది ఒక చోట కలవాలనిపించింది ఒక పూట గడపాలనిపించింది ఒక మాటను చెప్పాలనిపించింది ఒక మెప్పును పొందాలనిపించింది ఒక బాటన నడవాలనిపించింది ఒక గమ్యాన్ని  చేరాలనిపించింది ఒక కాగితం తీసుకోవాలనిపించింది ఒక ప్రేమలేఖ వ్రాయాలనిపించింది ఒక కవిత వ్రాయాలనిపించింది ఒక చరిత్ర సృష్టించాలనిపించింది ఒక సారి చెంతకుచేర్చుకోవాలనిపించింది ఒక రహస్యం చేవిలోచిన్నగాచెప్పాలనిపించింది ఒక బంధం కావాలనిపించింది ఒక అనుబంధం పెంచుకోవాలనిపించింది ఒక తాళి కట్టాలనిపించింది ఒక తోడు తెచ్చుకోవాలనిపించింది గుండ్లపల్లి రాజేంద్రప్రసాద్, భాగ్యనగరం ఒక మారు పూర్తిగాచదవండి ఒక వ్యాఖ్య నచ్చితేచెయ్యండి ఒక మంచి తలచండి ఒక సారి దీవించండి ఒక సొగసున్నచిన్నదానికి ఒక సుమనస్కుడినికలపండి ఒక వయసున్నవగలాడికి  ఒక సరసుడినిజతచేయండి

 కవులకబుర్లు కవుల కబుర్లుచెబుతా కవితాంజలులు కదించుతా కొంతమంది కవిమిత్రులు కాలముచేశారు కనుమరుగయిపోయారు కాగితాలలో కనబడతున్నారు కొంతమంది కవిస్నేహితులు కష్టపడి వ్రాస్తున్నారు కవనజ్యోతులు వెలిగిస్తున్నారు కవితాకిరణాలు ప్రసరిస్తున్నారు కొంతమంది కొత్తకవులు కవనరంగంలో దిగుతున్నారు కలాలను పరుగులెత్తిస్తున్నారు కొత్తపరిచయాలు చేసుకుంటున్నారు కొంతమంది పాతకవులు కళ్ళముందుకొస్తున్నారు కలలోకొస్తున్నారు కవ్వించి వ్రాయిస్తున్నారు కవులతో స్నేహంచేస్తా కవితలలో పోటీపడతా కవిసమ్మేళనాలలో పాల్గొంటా కవితాభిమానులను తృప్తిపరుస్తా కవితాకుసుమాలు పూయిస్తా కవనకాంతులు వెదజల్లుతా కవిత్వరుచులు చూపించుతా కలకాలం గుర్తుండెలాచేస్తా కవనజల్లులు కురిపిస్తా కవితానదులు పారిస్తా కడలిలో కలిపేస్తా కైతలలో ముంచేస్తా కవితాప్రియులారా కదలండి కవితామృతమును క్రోలండి కీర్తిశేషకవులకు నీరాజనాలు కవిమిత్రులకు ధన్యవాదాలు కొత్తకవులకు అభివందనలు కవితాలోకానికి వందనాలు గుండ్లపల్లి రాజేంద్రప్రసాద్, భాగ్యనగరం